غرباء في بيت العمده(مكتمله)

الفصل الاخير💔

فات فتره و خلصوا السنه الدراسيه
و الدار الجديد كله اتفرش ماعدا شقق نادر و نائل و نديم
فرح ماسه باقي عليه ليلتين و الكل في القاهره في شقه ليلي
الدنيا مقلوبه مع ان مفيش حاجه تتعمل بس ماسه قالبه الدنيا

ماسه في نص الصاله: كلمتوا المطعم

نادر يتنهد: اتنيلنا

ماسه: الفندق كلمتهم تاني

نائل: الجناح محجوز و متظبط

ماسه: و التذاكر

نديم: هنحجزها بكره بليل

ماسه تصوت: ليله الفرح انت اهبل افرض مفيش

نادر: صوووتك بقي بقالك شهر بتصوتي

ماسه: ما انتوا مش عاملين حاجه مظبوط

سراج: نعم بعد ده كله مش عاملين حاجه مظبوطه

ماسه: اه اصلا انتوا اغبيه و فين الست هانم لؤلؤ ولا قاعده تحب في خطيبها و سيباني

هديه بتأكل نور: يا ماسه قولي طيب انتي عايزه ايه و احنا نعمله

ماسه: عايزه حاجات كتير البيه لسه محزش تذاكر الطياره و احنا في الصيف و راحين دهب يعني مش هيلاقي مكان و لؤلؤ معرفش اتفقت مع بتاعت الميكب علي ايه و الفستانين بتوعي لسه مجوش و لبسكوا لسه مجهزش غير البوكيه بتاعي مجاش لسه و التوزيعات مجتش و الكل مطنش و محدش سأل فيا

سراج: حد يرد عليها بدل ما اخليها تحضر فرحها و خدها ازرق

ماسه: وريني هتعمل ايه

نائل يقوم يخليها تقعد: بصي يا حبيبتي بابا و ماما و عبد الرحمن و همس هما بس الي هدومهم مش جاهزه راحوا يجيبوها و هيجيبوا الفساتين بتاعتك و هما راجعين...لؤلؤ قالت الصبح انها كلمت بتاعت الميكب و كل حاجه تمام...البوكيه و التوزيعات المندوب كلمنا قال ساعه و يجي و يا ستي علي التذاكر هحجزها حالن ولا تزعلي نفسك عايزه حاجه تانيه

ماسه: متأكد مفيش حاجه ناقصه

نائل: متأكد

ماسه تقف و تصوت تاني: عربيات الزفه....أنا نسيت...أنتوا مأجرتوش عربيات صح احنا مجناش ببتوعنا

نديم: ابوس ايدك ارحمينا سيف اجر العربيات و زمان عربيتك انتي وهو بتتظبط

نادر: اقعدي بقي ايه ده

سراج: افتكري حاجه يلا علشان تصوتي

ماسه تقعد ساكته

ماسه تقف فجأه: كفايه عليها كده بقاله ساعه و نص بتتكلم بيتكلموا في ايه

تطلع جري

هديه تضحك: معلش استحملوها بس

نور: ممم ببله

هديه تضحك جامد