غرباء في بيت العمده(مكتمله)

الفصل الثامن و الاربعون

خلصوا امتحانات الترم الاول و رمضان جه و فات 15 يوم منه
الكل قاعد علي السفره قبل الفطار ب دقايق و سيف معاهم و يونس اخو نوح معزوم النهارده مع مراته و ابنه

ليلي: اهو كل حاجه موجوده فيه حاجه ناقصه

ماسه: اه عصير المانجا سيف مش بيشرب برتقال ولا فراوله

هنيه: يا بنتي ما العصير اهو ده خامس مره تقولي عليه

هديه جايه من المطبخ: و الجوافة اهي بتاعت هشام

همس تيجي ورائها: المخلل بدل ما عم نديم يعمل هيصه

نديم يضحك: اصلا انا مليش غير مرات اخويا

نوح: طب يلا اقعدوا كلكم المغرب هيأذن اهو

الكل قعد و المغرب آذن
بعد الفطار و الكل صلي المغرب قعدوا قدام التلفزيون و ليلي و هديه و همس و لؤلؤ بيجيبوا الحلويات

نادر يبص ل ماسه: هو انتي حاسبه نفسك من الرجاله

ماسه: و أنت مالك

نادر: ما تقومي تساعديهم

ماسه: ما تقوم انت

نديم: لا أصله اطبع بطبع الصعايده

ماسه: علي نفسه

نائل: يا بت بطلي بقي مش بتتعبي من طوله لسانك دي

سيف: لا ازاي يجرالها حاجه لو مغلستش

ماسه: بابا خليهم يبطلوا

نوح: بس ياض انت و هو ماسه تعمل الي هي عايزه

يونس يضحك: أنت مدلعها اوي

نوح: يعني أنت مكنتش مدلع هديه

هشام: لا يعمي مش كده

ماسه: بقولك ايه اطلع أنت منها بدل ما اقلب عليك

هشام: لا يا ستي مش قد قلبتك

عبد الرحمن: خليك زي انا مش بعصبها خالص

الكل يجي من المطبخ و يحطوا الحلويات علي الترابيزه
لؤلؤ تمسك حته قطايف و تقف قدام الكل

لؤلؤ: عايزه أعلن ان رمضان ده احلي رمضان في حياتي كلها

نادر و نديم: فعلا

نائل: ايوه فيه روح حلوه كده محستهاش قبل كده

ماسه تبص ناحيه ابوها و تسكت شويه

ماسه: حاسه عادي يعني مفهوش حاجه جديده

نوح: كده

ماسه: اه عادي يعني

ليلي: يا كدابه

سراج: دي عيله مش بيطمر فيها حاجه

ماسه: ده علي اساس بيطمر فيك