غرباء في بيت العمده(مكتمله)

الفصل السابع و الاربعون

فات شهرين ماسه طلعت براءه
و حددت هي و سيف معاد الفرح و هيكون بعد السنه الدراسيه تخلص و بقوا بيجهزوا في الشقه و صممت تروح تجيب الحاجه من القاهره و سراج و عبد الرحمن و مرات كل واحد فيهم بيروحوا معاها هي و سيف
و هما في ايكيا

ماسه: سيف ايه رايك في اوضته الأطفال دي

سيف يبتسم: براحتك يا روحي

ماسه: لا اختار معايا

سيف: بلاش دي الي شفناها الأول حلوه

ماسه: لا دي احلي مليش فيه

سيف: طب بتاخدي رأي من الاول ليه بقي

ماسه: علشان اقولك لا

سيف يبتسم: طب انجزي بقي ونبي انا هموت من الجوع

ماسه: لسه هنشوف السفره

سيف بصوت واطي: طب ما نشوف الأول اوضته النوم

ماسه: لو ملمتش نفسك هنادي ل سراج

سيف: يووووه بقي قدامي علي السفره

و هما في ركن السفره عبد الرحمن و همس يقربوا منهم

همس بخجل: ماسه أنا مش عارفه اختار حاجه

ماسه: شوفي الي يعجبك

عبد الرحمن: أنا قولتلها كده و قولتلها ماسه هتساعدنا

ماسه: محتاره في ايه

همس: بصي انا نقيت اوضه النوم و السفره و اوضه الأطفال و المطبخ و الصالون

ماسه: ااه يعني ناقص ليكي الانتيكات

همس: مش فاهمه حاجه فيها و عبد الرحمن عايز كل حاجه

ماسه تبتسم: طب تعالي ننقيهم مع بعض و نشوف هديه تنقي معانا

همس: ماشي

عبد الرحمن: و احنا هنعمل ايه

ماسه: اقعد انت و سيف و سراج مع بعض و لما نخلص الانتيكات نكمل انا و سيف و هديه و سراج

همس: ماشي

ماسه و همس مشيوا و سيف ياخد عبد الرحمن و يروحوا يقعدوا
في الجامعه عند نائل كان واقف مع شويه من أصحاب و بعدين لمح هايدي من بعيد استأذن من صحابه و راح ليها

نائل: خير

هايدي: أنا سبتك شويه اهو قولي في ايه

نائل: مفيش انا معنتش عايز اكمل و مش عايز ابقي في علاقه مع حد دلوقتي هخلص دراستي و اشتغل و بعدين اشوف

هايدي: هستناك

نائل: لا متستنيش

هايدي: ماسه قالتلك حاجه عليا