غرباء في بيت العمده(مكتمله)

الفصل السادس و الاربعون

تاني يوم تدخل ماسه التحقيق
يكون معاها محامي و بره مستنيها ابوها و امها و نادر و سراج و لؤلؤ كان وكيل النيابه عايز يحبسها لحد ما يطلع تقرير الطب الشرعي بس المحامي قدر يخرجها بكفاله
يخرجوا من المكتب

نوح: ايه الي حصل

المحامي: هنستني تقرير الطب الشرعي

ليلي: ليه هو ممكن تاخد حكم

المحامي: لا سمعه القتيل مش قد جه و ده بيثبت كلامهم و كمان الراجل الي في المستشفي أكد الكلام

سراج: يعني هتتسجن لسه

المحامي: لا هتخرج بكفاله لحد ما تاخد براءه مش هتروح المحكمه اصلا

لؤلؤ: آسفه يا ماسه

ماسه تحضنها: يا حبيبتي متقوليش كده

نادر: خلاص ندفع الكفالة حالن ولا ايه

سراج: هي قد ايه

المحامي: خمسين ألف

نوح: طب تعال معايا خلينا نخلص

نوح و المحامي يمشوا و بعد ساعتين و نص نوح يرجع ليهم

نوح: تقدري تخرجي دلوقتي

ماسه: هو سيف كلمك

نوح: سيف جاتله قضيه قتل جديده و معرفش يجي غصب عنه

سراج بغيظ: هو احنا مش عجبينك يعني

ماسه تبتسم: لا عاجبني

لؤلؤ: طب يلا نروح بقي

يخرجوا من النيابه و يرجعوا البلد و البيت
ماسه تدخل اول واحده تلاقي هديه شايله ابنها و همس مستنينها

هديه تحضنها: وحشتيني...البيت مكنش ليه حس من غيرك

ماسه: و انتي وحشتيني اوي_تبوس نور_و الصغنن العسل ده وحشني_تبص ل همس_ايه موحشتكيش

همس تحضنها: وحشتيني اوي

ماسه تبصلها: أنتي كويسه صح

همس: اه الحمد الله

ماسه تبص للكل: امال عبد الرحمن فين

نديم: في الاوضه مش راضي يخرج بيقول انه وحش و انه معرفش يحميكي انتي و لؤلؤ

همس: ونبي اتكلمي معاه علشان تعبان خالص

ماسه تروح عند الاوضه و تخبط

ماسه من بره: بودي أنا جيت

مفيش رد

ماسه: هدخل علي فكره

مفيش رد تتنهد و تفتح تلاقي الاوضه ضلمه تشغل النور تلاقي عبد الرحمن قاعد في ركن ضمم رجله ل صدره و مخبي وشه
ماسه تقرب و تقعد جنبه