ليتك كنت رحيم

💖 الفصل 13💖

عندما دخلت ندى وقفت امام صقر وقالت انا مش عارفه اشكرك ازاي على اللي انت عملته معايا من اول ما خرجتني من المستشفى لغايه ما ساعدتني في العلاج لغايه ما وصلتني لابويا واخويا

قال صقر انا عملت اللي انا شايفه صح من يوم كتب الكتاب لما المأذون قال لازم وكيل ليكي عشان خاطر انتي قاصر وانتي سيبتي الكل وجيتي لي انا وطلبتي منى ابقى وكيلك وقلتي لي اعتبرني اختك الصغيره ساعتها شوفت اختي فيكي اللي عرفت بعد كده أنها صاحبتك وزميلتك في الكليه

كان الجميع يسمعون وهم في حالة ذهول وصدمه

قال رحيم لصقر بانفعال يعني انت اللي خدتها من المستشفى وكنت عارف طريقها وطول الوقت عامل نفسك بدور عليها بتقرطسني يا صقر بتخون ثقتي فيك

قال صقر انا كنت بحميها ثم نظر لنجلا وقال لما عرفت ان في ناس بتحاول تخلص منها

قال رحيم باستغراب ناس عايزه تخلص منها ناس مين

قال صقر اللي حط لها الجرعه الزياده في العصير واللي وكان عايز يخلص منها قبل ريان ما يرجع وانت تعرف ان هي مظلومه عشان كده كان لازم احميها

قالت ندى وهي تنظر لنجلا ايه يا نجلا مش هتقول لي حمدالله على السلامه

قالت نجلا بتوتر اه طبعا حمدالله على سلامتك يا ندى

نظرت لها ندى باشمئزاز واحتقار وقالت بصوت عالي ندى هانم لما تكلميني تقولي ندى هانم

قالت نجلا بغل وحقد اسفه يا ندى هانم

قال الجد ممكن اعرف يا عزيز انت دخلت ندى ملجأ ليه وازاي هانت عليك بنتك ازاي هانت عليك وفيه تعمل فيها كده وتبعدها عن بنتها وتحرق قلبها

رد عليه عزيز وقال بصوت عالي انت ملكش دعوه باللي حصل لان انت السبب في كل حاجه كل اللي احنا فيه ده بسببك انت

قطع كلامهم دخول وفيه وهي تذهب لندى وتقول بفرحه ندى بنتي حبيبتي ثم حضنتها بشده وبكت بحرقه وقالت وحشتنيييي قوي يا قلب امك وحشتيني يا نور عيني

قالت ندى وهي تبكي وتشدد من احتضانها وانتي كمان وحشتيني قوي يا ماما انا بحبك قوي اكتر حاجه مفرحاني في اللي حصل ان انتي امي انا كنت بتمنى انك تكوني امي ثم بكت بشده وقالت اااااااااه يا امي اااااااه
ما تعرفيش انا كنت محتاجه لك قد ايه كنت محتاجه حضنك ده ازاي انا اتبهدلت من غيرك قوي يا امي

قالت وفيه خلاص ما فيش بعد تاني انتي هتعيشي في حضني ومش هتبعدي عني تاني ابدا هعوضك عن كل اللي شفتيه في حياتك وهعوض نفسي بعدي عنك واخذوا يبكون بشده والجميع يشاهدون هذا الموقف الموثر ودموعهم تنزل بشده

قال عزيز وهو يمسح دموعه انا اسف يا وفيه اني بعتك عن بنتك بس انا ماكنتش اقصد كل اللي حصل ده