ليتك كنت رحيم

💖 الفصل 12💖

عندما ذهب رحيم وريان وحازم الي الكافيه وعندما رأتها فيروز واسراء ذهبوا إليه

قالت فيروز بلهفه رحيم بيه عامل ايه فين ندى ماجتش معاك ليه

قالت اسراء أصلها وحشتنا قوي ونفسنا نشوفها وتليفونها مقفول ومش عارفين نوصل لها

نظر رحيم لريان وحازم بحسره وخيبة امل وسكت

قالت فيروز باستغراب وهي تنظر لريان مش حضرتك ريان الرشيدي حبيب نادين اللي كانت شغاله معانا تعرف رحيم بيه منين وايه اللي لم الشامي على المغربي

قال ريان هي كان اسمها نادين بنت الكلب

قالت اسراء يعني كنت بتيجي الكافيه مخصوص علشانها وماتعرفش اسمها

قال ريان كانت مفهماني ان اسمها ندى ثم حكى لهم كل شيء حدث معه

قالت فيروز بصدمه وذهول يعني انت يا رحيم بيه اتعرفت على ندى عشان تنتقم منها مش عشان بتحبها زي ما فهمتنا ثم قالت بانفعال انا كان قلبي حاسس ان في حاجه غلط انا
ماكنتش مستريح لك ثم قالت بصوت عالي ندى فين يا رحيم بيه وديتها فين وعملت فيها ايه رد عليا ندى فييييين

قال حازم اهدي يا انسه واسمعني ندى كانت تعبانه ودخلت في غيبوبه وبعد كده اختفت من المستشفى واحنا كنا جايين نسأل عليها قولنا يمكن تعرفوا حاجه عنها

قالت اسراء باستغراب يعني ايه كانت في غيبوبه ويعني ايه اختفت احنا مش فاهمين حاجه هو ايه اللي حصل لندى بالظبط ثم قالت بصوت عالي ما تفهمونا انتوا ساكتين ليه

قال ريان طب اهدي طب عشان الناس بتتفرج علينا

قالت فيروز انتوا خايفين من الفضايح ده انا هخلي اللي مايشتري يتفرج عليكم

قال رحيم بصوت جهوري كفاييييييييه بقييييييييييي
ثم قال بصوت حزين وندم شديد اقعدوا عشان تسمعوا انا عملت ايه في صاحبتكم عشان تعرفوا انا طلعت ندل قد ايه مع الانسانه الوحيده اللي حبيتها
جلس الجميع فحك لهم كل شيء من يوم دخول ريان المستشفى ليوم اختفاء ندى

كانوا في حالة صدمه وذهول حتى ريان وحازم

قالت فيروز بانفعال ودموعها تغرق وجهها انت اكيد مش بني ادم انت شيطان انت ايه ما عندكش قلب ولا رحمه ما صعبتش عليك

قالت اسراء بصوت عالي وهي تبكي بحرقه ما تقولش بتحبها عشان اللي بيحب ما بيعملش اللي انت عملته ده وبعدين  ما سالتهاش ليييييه ما جيتش سالتنا لييييييييه او كنت سالت شريف بس انت اخترت الطريق الاسهل اللي هو الانتقام منك لله ربنا ينتقم منك

قالت فيروز احب اقول لك ان انت خسرت ندى للأبد عشان ندى اكتر حاجه بتكرها في الدنيا الغدر وان شاء الله لما تظهر حتى اسمك مش هيجي على لسانها وعد منى لما اطمن عليها لاخليك تلف حوالين نفسك وتكره اليوم اللي شفتنا فيه ونصيحه مني تغير اسمك عشان مش لايق عليك عشان انت ما تعرفش حاجه عن الرحمه ثم قامت وقالت يلا يا اسراء عشان احنا ما يشرفناش نقعد مع ناس زيكم وذهبوا