غرباء في بيت العمده(مكتمله)

الفصل الخامس و الاربعون

قدام القسم الكل ينزل من العربيه و سيف يستقبلهم

ليلي بدموع: هي كويسه

سيف: دماغها تعبانه من الخبطه الي فيها

نوح: خبطه ايه

سيف: دماغها مفتوحه فاتحه صغيره...منزلش دم كتير لإنها فتحه صغيره

نائل: صاحيه

سيف: اه انا سايبها بقالي شويه خدت دش و غيرت

يدخلوا لحد المكتب بتاعه يقف هو في جمب و ليلي تدخل اول واحده ماسه نايمه علي الكنبه لابسه تيشرت سيف الكبير عليها و لابسه بنطلونها زي ما هو رأسها و ايدها ملفوفه
ليلي تقرب براحه و تقعد علي ركبتها جمب الكنبه و تمسح علي رأس ماسه و الكل يدخل وراء ليلي

ماسه تفتح عنيها: ماما

ليلي تحضنها جامد و هي منهاره من العياط: يا روحي....كنت هموت من الخوف عليكي...أنا آسفه تاني مره يحصلك كده بسببي

ماسه تبص ل امها: مفيش حاجه حصلت بسببك يا ماما متقوليش كده....ده قدري حتي لو كنتي جنبي ده الي كان هيحصل

نديم يقرب يقعد جنبها ساكت شويه

نديم يحضنها فجأه: يا حيوانه كان هيحصل ليا حاجه من الخوف عليكي

ماسه تحضنه: و أنا كنت خايفه اوي يا نديم

نائل يقرب و يقعد جنبها: امال لو مكنتيش خايفه كنتي عملتي ايه

ماسه تبصله: مكنتش عملت كل ده

ليلي تمسح وش بنتها: مش مهم....المهم انك كويسه دلوقتي و بكره هتخرجي ان شاء الله

نوح من علي الباب: ان شاء الله

ماسه ترفع رأسها و تبصله و بعدين تبص ل امها و اخواتها

ماسه: ممكن تسيبوني انا و بابا شويه

ليلي تبص ل نوح و ترجع تبص ل بنتها

ليلي تبوس رأسها: حاضر...يلا يا نائل انت و نديم

نديم يقف: متقتليش الراجل احنا عايزينه

ماسه تبتسم إبتسامه صغيره و ليلي تاخد نديم و نائل و يخرجوا و يقفلوا الباب

سيف: حصل حاجه

ليلي: عايزه تتكلم مع ابوها لوحدهم

في الاوضه جوه نوج يقعد جمب ماسه

ماسه: لما اتخطفت انا و شوق كانت بتعيط و تقول عايزه بابا....بصراحه معيطتش و مكنتش خايفه قولت هو هيطلب فلوس من ماما و هي هتدفعها هو هيعوز ايه من بنتين عندهم سبع سنين يعني...دخل الاوضه عندنا كان فيها سريرين خد شوق و نيمها علي السرير التاني_تبدا تعيط_هي كانت عماله تعيط و مش فاهمه و بتقوله انت بتعمل ايه يا عمو و هو حيوان....أنا قاعده اتفرج مش فاهمه ده ايه خدت عصايه و رحت ضربته بيها و زقني و قالي اسكتي بدل ما اسيبها و اجيلك روحت قعد بعيد اتفرج بس و لما خلص جه عندي و بصلي قالي انتي بكره و خرج من الاوضه...جريت علي شوق كان نصها الي تحت كله دم انا مش فاهمه ده ايه و مش عارفه المفروض اعمل ايه بس الدم كتير...نص ساعه الدم مش بيقف و أنا عماله ابصلها بس مش عارفه اعيط حتي خايفه يجي...فجأه هي اتكلمت وهي بطلع في الروح و قالتلي اهربي يا ماسه بلاش تخليه يجي يعمل فيكي كده لإنه بيوجع اوي...قولتلها هنهرب مع بعض قالتلي لا مش قادره امشي اهربي انتي....أنا مرضتش و فضلت جنبها لحد ما ماتت معرفتش ساعتها اعمل ايه....لقيت شباك هو عالي شويه علي طفله في سني حطيت تحته كرسي كبير و شويه مخدات و طلعت يدوب مسكت الشباك و المخدات وقعت طلعت و لقيت محطوط تحته كراتين معرفش فيها ايه نطيت عليها و نزلت اجري مش عارفه راحه فين لقيت صيدليه فيها واحده ست جريت عليها مش عارفه ليه بس قولتلها اني ضايعه و قولتلها رقم تليفون ماما علشان تتصل عليها...ساعه و نص قاعده في الصيدليه بفكر هي ليه قالت عايزه بابا مش ماما و قعدت اقول يا رب بابا يبقي موجود....ماما جت و أنا جريت عليها و هي تعيط و أنا ساكته تقولي كنتي فين ساكته برده...فضلت ساكته سنه...و بعدين اتكلمت و بعدها بشويه حكيت ل نائل و قولتله متقولش لحد...بس معيطتش كنت بعور نفسي بدل العياط...دلوقتي لما زياد خطفني أنا و لؤلؤ كان كل همي الي حصل قبل كده ميتقررش تاني...جه و قالي قدامك للصبح ردي عليا يا انتي بس و متتكلميش انتي و اختك علي الي حصل يا اما هبدأ ب اختك قدامك و بعدين انتي....عرفت افك نفسي و افكها و جرينا لسه هننزل من السلم شدها مني و وقعني علي السلم نزلت كام سلمه و مكنتش قادره...سمعت صوت صويت لؤلؤ مقدرتش استحمل و محستش بنفسي غير و التمثال في أيدي و رأسه متكسره...أنا لو هتسجن معنديش مشكله بس محدش يزعل مني

نوح عينه مليانه دموع و بيبص ل بنته

نوح بصوت مبحوح: حقك عليا يا ماسه

ماسه: كنت هزعل اوي لو مجتش مع سيف....كنت هحس فعلا اننا مش فارقين معاك...و انك رجعتنا بس تقضيه واجب

نوح يبوس رأسها: أنا مرجعتكوش تقضيه واجب...أنا بحبك انتي و اخواتك...و ارجع و اقولك مكنتش اعرف موضوع خطفك غير من نادر يوم ما جيتوا

ماسه: مش هتزعل لو اتسجنت

نوح: مش هتتسجني هتخرجي معانا الصبح

ماسه: ممكن حضن

نوح ياخدها في حضنه و هي تمسك في الجلابية جامد

نوح: مكنتش متوقع انك تسمحيني بسرعه

ماسه تبتسم غصب عنها: ولا انا توقعت_تبصله_يلا بقي زمانهم تعبانين قوم خليهم يرجعوا البيت

نوح يبوس خدها: هتبقي كويسه

ماسه: عيب عليك تسأل السؤال ده بعد الي حصل و الي حكيته

نوح يضحك بصوت عالي: عندك حق

نديم بيفتح الباب فجأه: سمعت ضحكه

ماسه تبتسم و تقف: هات حضن قبل ما تمشوا

نديم يحضنها: رافعه راسنا يا قتاله القتله...بكره بعد الحكم اجيبلك عيش و حلاوه

ماسه تبعد عنه و تضربه: يا حيوان و الله انت غلس

ليلي عند الباب: بطل تغلس بقي

نديم: أنا عملت ايه...خلاص تسلم ايدك يا ست ماسه

نائل يقرب و يحضنها و ليلي تحضنها و تبوس خدها
يمشوا الاربعه و بعدها سيف يدخل المكتب تاني

سيف: ده تشيرتي

ماسه بخجل: هغيره...ماما اتأخرت علي ما جابت الهدوم

سيف يقرب منها و يمسك ايديها و يقعدوا علي الكنبه: ولا يهمك يا روحي المهم تبقي مرتاحه

ماسه: سيف أنا هخرج صح

سيف: و الله اه...حتي لو مخرجتيش فيها ايه...اجي اكتب كتابي عليكي بعد حكم المحكمه عادي يعني

ماسه بخجل و تبص للأرض: أنا بحبك اوي

سيف بصدمه: ايه....أنتي قولتيها اخيرا...بجد يا ماسه قولتي بحبك والله...ياااه بقالي سنه و نص بتحايل عليكي يا شيخه كنت مفكر هموت و مش هسمعها

ماسه: بعد الشر عنك

سيف: الله و رومانسيه كمان...كنت اقولك هموت تقولي في داهيه...أنا لو كنت اعرف كده كنت خليتك تقتلي من زمان

ماسه: بس بقي انا غلطانه

سيف يبوس ايدها: بس أجمل غلط في حياتي

ماسه: أنا جعانه

سيف: ابو فصلانك يا شيخه...عندك اكل علي المكتب قومي هاتيه

ماسه بدلع: مش قادره اقوم

سيف يقوم يقف و يمشي ناحيته المكتب: يووووه أنا مش باجي بالطريقه دي قلت قومي

ماسه تضحك و هو يقعد جنبها تاني و يفتح الاكل