غرباء في بيت العمده(مكتمله)

الفصل الثالث و الاربعون

في الدار
عبد الرحمن لسه مرمي علي الأرض بيعيط و همس بتحاول تقومه و هي عماله تعيط

همس بتعيط: قوم ندخل جوه علشان خاطري

عبد الرحمن بيعيط و يخبط في دماغه: أنا معرفتش احميهم انا وحش

همس بتعيط: لا مش وحش والله بس قوم ندخل جوه نكلم عمو نوح

عبد الرحمن بيهز راسه جامد: لا هيقول عليا مش راجل

همس تقعد جمبه و تعيط: يا عبد الرحمن ابوس راسك انا مرعوبه خلينا ندخل نتصل علي حد

عبد الرحمن يهدي و يفضل يبصلها و يفتكر كلام ماسه

عبد الرحمن يحضنها: متخفيش انا هنا...تعالي نكلم بابا

همس: تعال

تقومه من علي الأرض و يدخلوا للاوضه
همس تاخد التليفون و تتصل علي نوح

نوح: ايوه يا عبدو عايز حاجه

همس بصوت مخنوق: أنا همس يا عمو

نوح: مالك يا بنتي و مال صوتك...عبد الرحمن كويس

همس تعيط: يا عمو ناس جت و خطفت ماسه و لؤلؤ من قدام الدار و ضربوا عبد الرحمن

نوح بفزع: ايه...أنتي بتقولي ايه

همس: ده الي حصل والله و خايفه اوي و عبد الرحمن عمال يعيط أنا خايفه اوي و مفيش حد من الغفر هنا

نوح: بصي تقفلي علي نفسك انتي و عبد الرحمن الاوضه من جوه جاي انا و سراج حالن

همس: حاضر

تقفل التليفون و تروح تقفل الباب

عبد الرحمن: بتعملي ايه

همس: عمو الي قالي

عبد الرحمن يعيط و يخبط رأسه: أنا وحش معرفتش احمي اخواتي

همس تحضنه: لا يا عبد الرحمن انت عملت الي تقدر عليه

نص ساعه و الباب يخبط عبد الرحمن يتخض و همس تتصدم

نوح من بره: همس افتحي يا بنتي

همس تفتح و عبد الرحمن يجري علي ابوه و يحضنه جامد و يفضل يعيط

نوح يحضنه: خلاص يا عبد الرحمن اهدي يا حبيبي انا هنا اهو و هرجع اخواتك وعد

سراح يبص ل همس: ايه الي حصل

همس تعيط: هما خرجوا يدوروا علي القطه بتاعت لؤلؤ و فجأه سمعنا صوت صويت بره خرجنا شوفنا رجاله زياد ماسكينهم عبد الرحمن قرب ف زياد قال للرجاله تضربه و بعدين خدوا لؤلؤ و ماسه

نوح يقرب منها: خلاص اهدئ...ممكن تهدوا علشان اعرف افكر

عبد الرحمن بعياط: سيف سيف كلم سيف هو ظابط كبير هيجيب ماسه و لؤلؤ