غرباء في بيت العمده(مكتمله)

الفصل الثاني و الاربعون

الصبح ماسه تنزل تلاقي الكل علي الفطار و تروح تقعد علي السفره

ماسه: امال فين العرسان

ليلي: عبد الرحمن خد الفطار جوه في اوضته

نديم: شغل عرسان بقي

نادر: بطل تغتت عليه

نديم: هو انا عملت حاجه

ماسه: سيبك بس من نديم_تشاور علي سراج_الحمار الي هناك بيعمله صدمه

سراج بحده: لسانك ل اقطعهولك

نوح: خلاص يا سراج

ماسه: هو انا عملت ايه

نادر: مش قولنا لسانك الطويل ده يتقص

سراج: بصي يا ماسه أنا مش متعود علي الأسلوب ده

ماسه بعصبيه: عنك ما تعودت

تقوم و تسيبهم

سراج: هو محدش بيعرف يتفاهم معها خالص كده

ليلي: لو عرفت علمنا الطريقه

سراج: ايه الدلع ده هو مين الي حقه يزعل

لؤلؤ: ماسه علشان ببساطه دي ماسه

هديه بتضحك: لازم دلوقتي تقوم تصالحها

سراج: مش مصالح

عبد الرحمن يخرج من اوضته

عبد الرحمن: ماسه لسه مصحيتش

نائل: دي خامس مره تسأل عليها

عبد الرحمن: عايزها في حاجه مهمه اوي

نديم: صحيت بس البيه زعلها

سراج يخبطه

عبد الرحمن: هو انت كده علطول مش بتعرف تتكلم ده انت حمار

يطلع و يسيبه و الكل بيضحك علي سراج

نوح: واضح ان فيه اجماع علي كده

سراج يبص ل هديه: هو انا حمار

هديه ميته من الضحك مش عارفه ترد

سراج بصوت واطي: هجيبلك حتتين دهب

هديه تضحك اكتر

سراج يضحك غصب عنه: بطلي ضحك...يانهار اسود

فوق عبد الرحمن يخبط

ماسه من جوه: أدخل

عبد الرحمن يدخل: صباح الخير

ماسه تبتسم: عريسنا صحي من النوم

عبد الرحمن بكسوف: اقولك الي حصل امبارح

ماسه: احكي

عبد الرحمن وشه يحمر: حطت رأسها علي كتفي و ادتي بوسه هنا