ليتك كنت رحيم

💖الفصل التاسع💖

نظر رحيم لحازم وقال انا مش شيطان انا كنت بجيب حق اخويا واخويا هو اللي قالي اسمها ومكان شغلها وانا دورت على ما لقتش حد اسمه ندى مهدي سليمان غيرها

قال حازم في حاجه اسمها قانون كان ممكن تاخد حق اخوك بالقانون عشان لو كل واحد خد حقه بدراعه هنبقى عايشين في غابه مش في بلد وزي ما انت خدت حق اخوك انا كمان هاخد حق ندى منك حق بنت اخويا بس بالقانون

قال الجد قصدك ايه يا حازم هتبلغ عن رحيم

قال حازم اه هبلغ عنه بس اطمن على ندى الأول واعرف ازاي عزيز يرمي بنته في ملجأ ازاي هانت عليه ثم نظر لهم باحتقار وقال بس الظاهر ان العيله دي كلهم جاحدين ثم قال عن اذنكم عشان عندي شغل وذهب

قال ريان متزعلش من حازم يا رحيم انت عارف هو بيحبك قد ايه بس اللي حصل ده صدمنا كلنا ازاي عزيز هان عليه يرمي بنته في ملجأ غريبه قوي الموضوع ده في حلقه مفقوده

قال رحيم بصوت حزين ومهموم انا مش زعلان من حازم انا زعلان من نفسي قوي اني رغم حبي ليها ما صدقتهاش ودست عليها بالقوي ثم قال اطمن على ندى ووفيه الاول وبعد كده هقلب الدنيا لغايه لما الاقي عزيز عشان الحلقه المفقوده عنده واعرف ازاي يعمل كده مع ندى ويرميها في ملجأ اكيد في حاجه غلط وانا لازم اعرف قرار الموضوع ده

قال ريان طب وندى هتعمل معها ايه

قال رحيم بحزن تفوق بس من الغيبوبه وبعد كده هاخدها ونسافر المصحه اللي انت كنت فيها واعالجها واعوضها عن كل اللي شافتها
وهجيب لها حقها من كل اللي ظلمها حتى انا هجيب لها حقها منى ثم قال يلا خد جدك وروحوا ارتاحوا انت لسه راجع من السفر وانا هفضل مع وفيه وندى ومش عايز كتر كلام

وبالفعل ذهب ريان وجده ودخل رحيم غرفة وفيه

كانت نجلا تقف وتتابع ما يحدث في صمت ورعب فقالت داخلها رحيم لو وصل للحقيقه هتبقى نهايتي على ايده اذا كان بيحبه وعمل فيها كده امال لو عرف ان انا ليه دخل بالحصل مش بعيد يقتلني ثم اتصلت برقم ما وعندما جاءه الرد

قالت الحقني يا اسعد مصيبه سودا والدنيا هتطربق على دماغنا الزفته اللي اسمها ندى طلعت بنت عمة رحيم ثم حكت له كل شيء

قال اسعد بخوف نعمممم ياختي انتي بتقولي ايه يا بومه يا وش الفقر انتي

قالت نجلا اللي سمعته لو كانت ندى ماتت قبل ما ريان يرجع ويشوفها كان الموضوع ممكن يعدي لكن دلوقتي حتى لو ندى ماتت رحيم مش هيسكت غير لما يعرف الحقيقه الله يخرب بيتك يا اسعد وديتني في داهيه كان يوم اسود يوم ما سمعت كلامك ووافقتك على اللي حصل في ريان والزفته الثانيه قلنا لها ما تقولش اسم حد راحت قالت اسم واحده شغاله في المحل

قال اسعد البت اللي اسمها ندى دي لازم تختفي من الوجود عشان يتلهو في التدوير عليها نكون احنا نفدنا بجلدنا خليكي معاهم  واوعي تسيبيهم وتبلغيني اللي هيحصل اول باول وانا هخطط وتكتك للموضوع ده