غرباء في بيت العمده(مكتمله)

الفصل الواحد و اربعون

المأذون وصل الحريم طلعوا ل اوضه لؤلؤ

همس: طنط ليلي انا متوتره اوي

نرجس بسخريه: و ليه ياختي ده انتي هتجوزي واحد اهبل

ماسه: هو مين الأهبل يا...

ليلي تقاطعها: ماسه ملكيش دعوه بيها علشان خاطر عبد الرحمن

نرجس: صحيح يا بت انتي بنت مين

همس بتوتر: أنا.. أنا بنت جابر اخو عمو ممدوح الي بيشتغل في الأرض

نرجس: ما طبيعي الأهبل دي هيجوز ايه يعني

لؤلؤ: طنط نرجس لو سمحت عبد الرحمن مش اهبل و همس مقامها عالي عندنا اوي حضرتك ملكيش دعوه بقي انتي هتحضري و تمشي يعني زيك زي اي حد غريب

نرجس بعصبيه: هو ايه زي اي حد غريب ده بيتي

ماسه: ده بيت بابا مش بيتك والله لو ما سكتي ل اقول ل بابا عليكي

همس بدموع: آسفه لو عملت مشكله

ليلي: لا يا حبيبتي انتي معملتيش حاجه متعيطيش بقي النهارده يومك

هديه: لؤلؤ ظبطي ليها المكياج خلينا ننزل يلا

لؤلؤ تظبطلها الدنيا

ماسه: يلا

ليلي: همس تكوني انتي في الاول و احنا وراكي

همس: حاضر

يخرجوا من الاوضه و همس تنزل علي السلم و الكل وراءها
قربوا من الترابيزه و همس قعدت

لؤلؤ: بودي فين

نديم بيضحك: تعالوا كده الاوضه عنده

لؤلؤ و ليلي و ماسه و هديه راحوا الاوضه كان الكل جوه في الاوضه ماعدا نادر
كان عبد الرحمن واقف لابس جلابيه بيضه و حاطط عليها جاكت بدله

ليلي: ده ايه

عبد الرحمن: ما انا محتار البس ايه قمت لبست الاتنين

نوح: حد يقنعه يلبس حاجه واحده

لؤلؤ: خلصوا انتوا انا هخرج مع نادر علشان محدش يفكر أن فيه حاجه او همس تضايق

تخرج

ماسه: يا حبيبي البس الجلابية بس

عبد الرحمن: ليه

ماسه: علشان شكلك حلو

ليلي: و بعدين لازم تبقي مميز اخواتك لابسين بدل انت البس جلابيه بقي

عبد الرحمن: صح صح

يقلع الجاكت البدله
بره سيف جه لابس قميص اسود و بنطلون اسود مدخل القميص فيه و وقف مع نادر