غرباء في بيت العمده(مكتمله)

الفصل التاسع و الثلاثون

طلعوا الاتنين الاوضه
و ماسه قعدت علي السرير

ماسه: لؤلؤ...بعد الشر يعني انتي لو كنتي مكان حور

لؤلؤ تقعد جمبها: بصراحه مش عارفه

ماسه: دي بتقولي انتي مش هتفهميني ولا تحسي بيها غير لما يبقي جواكي حته منك

لؤلؤ: يمكن هي صح...بصي لو جينا نفكر زي حور هنلاقي ان جه في دماغها ان لو هي اتكلمت هو هينكر و ممكن يجيب اي واحد و يدفعله فلوس و يقوله اعترف علي نفسك و بالنسبه للعينه الي في المستشفي ممكن يدفع فلوس لأي حد هناك و يغيرها صح ولا لا

ماسه: صح

لؤلؤ: لو انا الي مكانها كنت هجازف و أحاول لإن بابا في ضهري لكن هي باباها عايز يقتلها و اخواتها زي ما انتي شايفه علي طيب اوي و حسام عصبي و ممكن يعمل اي حاجه في لحظه تهور

ماسه: بس احنا لو سبناه حر هيعمل كده في بنات تانيه

لؤلؤ: الله اعلم اذا كانت حور الاولي ولا لا بس ربنا هيكرم البنات دي و هينتقم منه صدقيني مهما طال الزمن هينتقم منه في الدنيا و هيعذبه في الاخره

ماسه: أنا مخنوقه اوي يا لؤلؤ...و ابوكي عايز هو الي يجهز الشقه بتاعتنا و سيف مُحرج اوي غير اني محتاره في المشروع و مش عارفه اعمل ايه

لؤلؤ: بصي فضي دماغك من ده كله دلوقتي لحد ما نخلص كتب كتاب عبد الرحمن

الباب يخبط

لؤلؤ: أدخل

نديم يدخل و يروح يقعد جمبه

نديم يمسح علي رأس ماسه: ماما بتقول انك تعبانه

ماسه: اوي يا نديم

نديم يحاوطها بدراعه: مالك يا روحي اول مره في حياتي اشوفك كده

ماسه تحط راسها علي كتفه: حاسه إني مضغوطه اوي مخنوقه

نديم: من المكان

ماسه: لا خالص مش من البيت....من حاجات تانيه

لؤلؤ: طب ما تكلمي معانا قوليلنا فيه ايه

ماسه: ما انا مش عارفه...حاسه كل حاجه غلط و متلخبطه

نديم: طب اهدئي كده و حاولي تظبطي الدنيا و احنا معاكي اهو ده احنا اخواتك و سته كمان مش اتنين ولا تلاته

لؤلؤ: شوفتي يعني كل مشكله و هيبقي ليها حل عند واحد فينا

نديم: قعدينا كلنا كده قدامك و احكي الي مضايقك و الي عنده اقتراح يقوله

ماسه تبتسم: و الله انت غلس

نديم: ما انا عارف

ماسه: طب ينفع تسبوني لوحدي شويه