جا النهار لي غادي تمشي فيه بهاء لشركة لي ختارت حاولات تلبس شي جاحة رسمية و فنفس الوقت مستورة بقات كتفكر لبسات سروال فالكحل عريض شويا قميجة سامبل فالابيض و جمعات شعرها كودجوفال مكياج خفيف جات كتحمق خرجات شدات طاكسي و عطاتو لادريس باش يوصلها......
وصلات حدا الشركة و تخلطولها المشاعر الخلعة و القلق حاولات ترخي راسها تنفست و قالت فخاطرها: تكالماي كولشي غادي يدوز مليح.... بسم الله
وراتهم البادج باش خلاوها تدخل قصدات السكريتيرات لي تماك عرفت براسها استقبلوها بلطف و بقات مع وحدو فيهم هي لي كانت كتوريها الشركة
*السكرتيرة: كنتمنى تاخدي راحتك فالأول خاصك تحاولي تناديني مع الطقم و تعرفي الأساسيات من بعد يقدرو يسمحو ليك بحضور بعض الاجتماعات . كيما قلتي ليا انه هادا بحث و بحد داتو صطاج للعمل المدة تكون من 3 شهور حتى ل 5 كنظن انها كافياك إلى بغتي تخلي البصمة ديالك و تقدري تربحي بلاصتك إلى بينتي الاهتمام ديالك و كذالك الجهد
*بهاء و هي مبتاسمة: اه غادي نحاول انني ندير كثر من جهدي و مندير حتى غلط
*السكرتيرة: باينة فيك غادي دير بلاصة بزربة بالمناسبة حاليا مزال مقدرت انني نحددلك موعد مع السي اياد و لكن غادي نشوف أقرب وقت
*بهاء غير سمعات الاسم ديالو تفكراتو بصح كالت فبالها كاين الف واحد بهاد السمية : شكون هو السي اياد
*السكرتيرة: فهاد الشركة كاين زوج د الناس هما المسؤولين او أصحاب الشركة اولا السي اياد من بعد كاين السي امين هوما زوج د الأشخاص مكيتفارقوش متشابهين فكلشي بصح كاين فرق واحد السي اياد شخص قاصح بزاف انك تقنعين ولا تشوفي ضحكتو من أصعب الحوايج فهاد الشركة عكس السي امين لي فاغلبية الوقت شخص بشوش إلى الا تعصب
*بهاء: اه واخا و ماشي مشكل و بالنسبة للموعد نتي تعرفي حسن مني فاي وقت نقدر نحضر
*السكرتيرة: غادي نشوف معليكش المهم من بعد موريتك البلايص اجي نعرفك على الناس لي خدامين هنايا منها تعرفي عليهم من دابا
بقات معاها و هي كتعرف عليهم واحد بواحد و الابتسامة ممفارقاهاش حسات بيهم بحال شي عائلة باش كيكونو مجموعين رتاحت فوسطهم كما انهم جديين و حريصين بزاف فالخدمة ديالهم ندامجت معاهم من نهارها اللول بقات كتعاونهم فاي حاجة بحكم ان عقلها خفيف كتعقل على الحوايج بزربة بقات على هاد الحال حتى قرب يكمل النهار ، فواحد اللحظة و هي خارجا من قاعة الطباعة حتى حسات بحال دخلات فشي حاجة قاصحا حتى توجع كتفها و طاح هداك الشي لي فيدها ، هزات عينها حتى كتشوفو واقف ساهي فيها بعينيه العسليين و ريحتو امين حس براسو : تقصحتي ؟؟
بهاء هي شادة فكتفها: اه؟لا لا ماصرا والو سمحلي انا لي كنت كنتمشى ساهيا
امين طلع حاجبو و عينه على كتفها : متأكدة بلي والو
*بهاء : اه كون هاني عادي
جمع هادو الوراق بزربة و عطاهملها و كمل طريقو كيحاول يتفكر فين شايف هاد الملامح فين شافهم بحكم انه اول مرة يشوفها فالشركة
كملت خدمتها و مشات للدار تنعس من العيا كانت طلبات الباطرون شي سيمانة ديال الراحة على حساب الخدمة و الصطاج و مرفضش الطلب ديالها بحكم انها شحال من مرة كانت كتجي قبل الوقت و كتعاون الخدامة تماك و كتكون خفيفة فخدمتها
دخلات بدلت عليها و خدات دوش خفيف باش تنعس رتاحت فاش لقات الدار خاوية مكايناش ختها و مها يكونو خرجو كيف عادتهم سدات على راسها باب البيت و تكات فلحظة تفكرات هذاك الشخص لي تصادمت معه فالشركة شكون يقدر يكون خصوصا لن السكرتيرة معرفاتهاش بيه حاولات تنسى و تنعس
**********
نمشيو لبلاصة اخرى فالدار د اياد فالبيرو الخاص بيه كاين هو و انين كل واحد و كاس د الويسكي فيدو كيشوفو فواحد الملف فيه غير تصور بعض الأشخاص و شي إحصائيات
امين شاف فإياد موريه واحد الشخص فشي تنورة جماعية هادا هو لي كيكون فأغلبية العمليات يمكن من المسؤولين
*اياد و هو مركز فالصورة : كاين عليه شي معلومات ؟
*امين: سميتو مراد من هادي شحال و هو فهاد الضومين معروف بالزهو و القصارات
فاللحظة لي كان يهدر حتى غادي يشوفو البال تحل و صوت الطالون مع الأرض شافو فيها بابتسامة.........
شكون هادي فنظركم؟ و شكون مراد ؟؟؟؟؟؟
YOU ARE READING
بين قسوة و ابتسامة❤️🔥
Romanceبهاء بنت فعمرها 19 عام بصح تشوفها حداك متقولش مزال صغيرة مفورمية مليح مشاء الله عامرة من الفوق و التحت صدر باين و التحت عندها الارداف عامرين و الترمة مكوزة و باينة شعر تحتها من كثرت طولو عينيها كبار و عسليين يدوبو لي يشوف فيهم هي بنت ضريفة و القلب ا...
