ليتك كنت رحيم

💖 الفصل الثامن💖

عندما دخلوا المطبخ على صراخ بهيه وجدوا ندى على الارض بين يدي بهيه فاقده الوعي ويخرج من فمها ريم ابيض كان الجميع ينظرون لها بصدمه وذهول

قال ريان بصوت عالي دي بتموت

نظر له رحيم وقال بجنون ما تقولش كده ندى مش هتموت ندى هتعيش عشان خاطر اعوضها عن كل اللي شافته روح شغل العربيه بسرعه واتصل بحازم يحصلان على المستشفى بسرعه ثم نظر لبهيه وقال ايه اللي حصل هي كلت ايه ولا شربت ايه

قالت بهيه وهي تبكي شربت العصير اللي حضرتك بعته لها مع الست نجلا وبعد كده قعدت ترجع وبعد كده وقعت من طولها

حملها رحيم  وذهب بيها الي المستشفى وذهب معهم الجميع كان رحيم يجلس في العربيه من الخلف وندى فى حضنه وهو دموعه تغرق وجهه ويقول وهو يحتضنها بشده هتبقى كويسه وهتقومي بالسلامه عشان اعوضك عن كل اللي شفتيه هتقومي يا ندى هتقومي يا حبيبتي عشان خاطري ثم قال بصوت عالي بسسسرعه يا ريان ندى بتروح منييييي كان الجميع ينظر له بذهول

وصلوا المستشفى وكان في انتظارهم حازم وفريق كامل من الاطباء والممرضات الذي أخذوها ودخلوا بها غرفة الكشف

قال حازم ممكن اعرف فيها ايه وايه اللي حصل لها بالظبط

قال رحيم باختصار وهو يغمض عينيه نفس حالة ريان ممكن بقى تدخل  وتطمني عليها من غير كلام كتير

نظر له حازم وهز رأسه بقلة حيله وقال حاضر يا رحيم باشا وذهب

قالت وفيه وهي تبكي البنت دي لو جرالها حاجه هيبقى ذنبها في رقبتك انت يا رحيم

قال الجد خلاص بقى يا وفيه هو اللي فيه مكفيه ان شاء الله هتبقى بخير ادعي لها انتي بس

في المزرعه دخلت نجلا المنزل فوجدت بهيه تبكي بحرقه فقالت لها مالك يا بهيه بتبكي ليه وبعدين فين الجماعه راحوا فين

قالت بهيه وهي تمسح دموعها ندى تعبت وخدوها المستشفى

قالت نجلا وهي تتصنع الاستغراب تعبت ازاي يعني

قالت بهيه بعد ما شربت العصير قعدت ترجع وبعد كده وقعت من طولها

قالت نجلا بفرحه ماتت

قال بهيه بعد الشر عنها ان شاء الله يلحقوها

قالت نجلا بعد الشر عنها ليه يعني ما تموت ولا تغور في داهيه كلبه وراحت

قالت بهيه ليه كده دي غلبانه والله وما تستاهلش اللي حصل لها ده حتى ريان بيه لما شافها قال مش هي اللي عملت في كده

شحب وجه نجلا بشده وقالت بصدمه وخوف هو ريان بيه جيه امتا

قالت بهيه اه جاي وكان عاملها لهم مفاجاه ثم حكت لها كل شيء

قالت نجلا وهي تبلع ريقها بصعوبه ودوها انهي مستشفى ما تعرفيش

قالت بهيه اكيد المستشفى بتاعت الدكتور حازم