ليتك كنت رحيم

💖 الفصل السادس 💖

فصل جديد لحبايب قلبي عشان امبارح اختي الغاليه حلفتني برحمه امي انزل فصل بس انا امبارح فعلا ما كنتش قادره وبطلب منكم الدعاء لوالدتي بالرحمه واموات المسلمين اجمعين ربنا يرحمك يا امي انتي وابي ويسكنكم الفردوس الاعلى من الجنه اللهم ارحم أمي وأبي بقدر شوقي لرؤيتهما، واجمعنا بهم في جنتك". وكل اموات المسلمين اجمعين
_____________________

نظر رحيم لندى الذي نزلت دموعها غصب عنها وابتسم وقال العروسه تبقى نجلا مديرة مكتبي

قال الجد يازين ما اخترت بنت ناس عارفين اصلهم وفصلهم ايه مش بنت حرام

قال رحيم بقولك ايه يا وفيه نجلا هتيجي كمان يومين عشان تظبط المزرعه عشان هنعمل فيها حفلة الخطوبه عايزك تبقي معاها وما تفارقهاش ثم نظر لندى وقال ليحصل لها زي اللي حصل لريان واهلها هيجوا قبل الخطوبه بيوم

قالت وفيه حاضر يا رحيم مش هسيبها لوحدها

قال رحيم لندى وانتي يا تربية الملاجئ عايزك في اليومين دول تنضفي البيت والمزرعه وتخليهم زي الفل

قالت ندى بحزن شديد حاضر اي اوامر تاني

قالت وفيه لا ياحبيبتي عشان تأكلي انتي ما اكلتيش حاجه من الصبح هتلاقي اكلك بهيه حطاه لك في اوضتك

قالت ندى شكرا وذهبت

بعد ذهابها قال رحيم انا مش عاجبني اللي انتي بتعمليه مع البنت ده يا وفيه انتي ناسيه هي عملت ايه

قالت وفيه بانفعال كفايه بقى يا رحيم البنت صعبانه عليا قوي وقلبي بيقول لي ان هي مظلومه وما لكش دعوه انا اتعامل مع اي حد ازاي عن اذنك وذهبت

قال الجد خلاص يا رحيم سيبها تتعامل معاها براحتها انت عارف ان هي بتفكرها ببنتها

قال رحيم بس هي مش بنتها بنتها مع ابوها خدها من وسطينا وغفلنا كلنا بس ايدي طوله عزيز الكلب ده

كانت فيروز واسراء يجلسون في المنزل فقالت فيروز لسه ما عرفتيش حاجه عن ندى يا اسراء انا قلقانه عليها قوي

قالت اسراء لا لسه انا رحت النهارده البيت اللي كان قاعدين فيه والبواب قال لي ان هم لسه ما رجعوش رحت الشركه بتاعت رحيم قالوا ما بيجيش اكتر من شهر واحنا ما نعرفش عنهم حاجه وندى تليفونها مقفول مش عارفه اعمل ايه هتجنن يا فيروز

قالت فيروز انا قلت من الاول انا مش مرتاحه للراجل ده وغياب ندى ده كله اكد كلامي

قالت فيروز وهي تبكي انا خايفه على ندى قوي يا اسراء خايفه يكون حصل لها حاجه

اخذتها اسراء في حضنها وقالت ان شاء الله ما حصل لهاش حاجه لو كان حصل لها حاجه كنا عرفنا واخذوا يبكون هما الاثنين وهم يدعون لندى بالخير