ليتك كنت رحيم

💖 الفصل الخامس 💖

نظر لها رحيم وقال انا ما بندمش على حاجه عملتها وانا عارف ان هي صح وحق اخويا هاخده منك تالت ومتلت لو عايزه تنقذي نفسك تقولي لي مين اللي سلطك على ريان

قالت ندى والله ما حد سلطني ولا عملت حاجه والله مظلومه بس هقول لك ايه ما انت حكمت ونفذت الحكم بس حكم ظالم انت ظالم يا رحيم وخساره فيك اسمك عشان انت ما تعرفش حاجه عن الرحمه المفروض يبقى اسمك رچيم

قال رحيم كل اللي انت قلتيه ده ما يدخلش ذمتي بتلات تعريفه انا مش هحلك الا لما اعرف مين اللي مسلطك حتى لما ريان يرجع ويشوف ان انا اخذت حقه منك مش هسيبك الا لما اعرف هو مين بس ساعتها هخليكي تكرهي حياتك بجد ثم نده بصوت عالي على الشغاله وقال بهييييييه

جاءت بهيه بسرعه وقالت تحت امرك يا رحيم بيه

قال رحيم عملتي اللي قولت لك عليه

قالت بهيه ايوه يا رحيم بيه كل اللي شغالين في المزرعه ادتهم اجازه لغاية ما حضرتك تأمر ومرتبهم ماشي

قال رحيم طب خدي الزباله دي وعرفيها شغلها وخلي بالك منها كويس اوعي تدخل المطبخ الا لما تكون هتنضفه وده هيكون تحت عنيكي وخلي بالك اوعي تأكلي أو تشربي منها حاجه وتنيميها في الاوضه اللي في الزريبه عشان ده مقامها وتبدا شغل من النهارده ثم اخذ الهاتف الخاص بندى وقال عشان ما تعرفيش تكلمي حد مع ان ما فيش حد هينقذك مني

قالت بهيه تحت امرك يا رحيم بيه ثم أخذت ندى وذهبت

بعد ذهابها قالت وفيه انا حاسه ان البنت دي مظلومه يا رحيم انت اتاكدت ان هي اللي عملت كده

قال الجد انتي طيبه يا وفيه وبتتغري بالشكل وطيبتك دي اللي بتطمع الناس فيكي

قالت وفيه لا يا بابا البنت شكلها يوجع القلب انا حاسه ان هي مظلومه

قال رحيم لا يا وفيه مش مظلومه انا اتاكدت ما فيش واحده اشتغلت في الكافيه اسمها ندى الا هي حتى اللي سابوا الكافيه اتاكدت ان ما فيش واحده فيهم اسمها ندى غيرها يعني انا مش ظالمها زي ما انتي فاكره

قالت وفيه اتمنى تكون انت على حق عشان ما تندمش في الاخر ربنا يكفيك شر الندم اللي بيجي بعد فوات الاوان بيوجع القلوب وبيحرقها

قال رحيم لا ما تخافيش عليا المهم انتي عامله اكل ايه عشان انا جعان قوي

قال الجد عملتلك كل الاكل اللي بتحبه من ساعة ما عرفت انك جاي وهي واقفه في المطبخ ثم قال تعالى بقى نتكلم شويه في الشغل عقبال ما يجهزوا السفره

دخلت ندى الزريبه فوضعت يدها على أنفها وقالت  ايه الريحه دي ثم قالت بصدمه هي دي الزريبه اللي انا هعيش فيها

قالت بهيه ايوه يا بنتي هي اللي هتنضفيها ثم شاورت على غرفه جانبيا وقالت دي الاوضه اللي هتعيشي فيها