ليتك كنت رحيم

💖 الفصل الرابع 💖

كانت ندى تجلس مع رحيم يتناولون الطعام وهي تقلب في طبقها ولم تأكل شيء

قال رحيم بمكر مالك يا ندى ما بتاكليش ليه يا حبيبتي انتي تعبانه ولا حاجه

قالت ندى بتعب شكلي خدت دور برد جسمي كله واجعني وعندي صداع جامد قوي ومش قادره

قال رحيم وهو يتصنع الزعل الف سلامه عليكي يا حبيبتي طب قومي حضري نفسك عشان هنسافر عقبال ما اجبلك حاجه للبرد هتريحك قوي

قالت ندى باستغراب هنسافر فين انت ما قلتليش يعني ان احنا هنسافر

قال رحيم وهو يبتسم بخبث اصل كنت عامله لك مفاجاه يا حبيبتي ولما نوصل هتبقى احلى مفاجاه تشوفيها في حياتك هتغير لك حياتك كلها 

وبالفعل تجهزت ندى وكلمت اسراء وفيروز كي تطمئن عليهم وابلغتهم بسفرها هي ورحيم المفاجئ

قالت اسراء شكله كده هيعمل لك شهر عسل بس مفاجاه عيني يا عيني على الدلع والرومانسيه

قالت فيروز مالك يا ندى صوتك مش عاجبني

قالت ندى شكلي خدت دور برد جسمي كله واجعني وعندي صداع جامد

قالت اسراء مش يمكن تكوني حامل

قالت ندى بتأكيد  لا مش حامل

قالت فيروز المهم اول ما توصلي بالسلامه طمنينا عليكي مع السلامه يا حبيبتي بعدما قفلت معها قالت ربنا يستر انا قلبي مش مطمن للسفريه دي

قالت اسراء هتصدقيني لو قلت لك انا كمان قلبي مقبوض وخايفه على ندى قوي بس يمكن عشان ندى اول مره تبعد عننا يمكن يكون خوف ما لوش اي اساس يكون رحيم عايز يعوضها عن شهر العسل ويفسحها شويه

قالت فيروز يا رب يا اسراء يخيب ظننا ويطلع خوفنا ما لوش اي اساس

سافرت ندى ورحيم وهي لا تعلم المكان وعندما وصلوا وجدت نفسها وسط ارض زراعيه مساحة شاسعة ويوجد بها قصر غايه في الجمال

قالت ندى بانبهار الله يا رحيم ايه المكان التحفه ده

قال رحيم عجبك المكان

قالت ندى تحفه يا حبيبي دي احلى مفاجاه في حياتي كان نفسي قوي اعيش في مكان الزرع والخضره محوطه من كل اتجاه

قال رحيم هتعيشي يا حبيبتي احلى ايام حياتك وتعيشيها هنا وحياتك كلها هتتغير هنا

قالت ندى باستغراب قصدك ايه

قال رحيم لما ندخل جوه هتفهمي كل حاجه مش بقول لك مفاجاه هتغير حياتك كلها ثم سحبها من يدها ودخل بها القصر

عندما دخلت ندى وجدت رجل رغم كبر سنه لكنه ملامحه تدل انه شديد وصارم وست ملامحها هاديه وجميله قالت ندى بتوتر مين دول يا رحيم