غرباء في بيت العمده(مكتمله)

الفصل السادس و الثلاثون

في الدار
كان نديم في اوضته و نائل دخل له

نائل: ايه يا عم من امتي و انت بتضايق علشان حد

نديم قاعد علي السرير: أصله موضوع صعب

نائل: هو صعب فعلا بس فكك انت اديله النصيحه و ملكش دعوه بقي...يلا ننزل علشان ماسه جايه

نديم: يلا

تحت تكون ماسه و سيف وصلوا
ماسه حاضنه امها

ليلي بتعيط: كنت هموت من الرعب عليكي

ماسه تبعد شويه: خلاص انا كويسه اهو

لؤلؤ: خوفتينا عليكي

ماسه: خلاص بقي بلاش دراما

نائل نزل قرب عليها: خلصتي دراما

ماسه تحتضنه: وحشتني

نائل يحضنها: الله من امتي

سراج: اه ولا كأننا اخواتها احنا كمان

نادر: لا ياعم هو احنا نيجي ايه جنب نائل

ماسه تبعد عن نائل: ما تبطلوا غتاته

هديه: سيبك منهم المهم انك كويسه

ليلي: يلا يا روحي اطلعي استريحي شويه

ماسه: ماشي....سيف خلي بالك من نفسك

سيف يبتسم: ماشي يلا بس انتي

ماسه: هو عمو مشي

ليلي: اه علشان شغل هشام

ماسه تطلع بس بدل ما تروح اوضتها تروح ل نديم
تدخل من غير ما تخبط نديم كان قاعد قدام الشباك اول ما الباب فتح نديم اتخض و مسح وشه بسرعه

نديم بصوت مبحوح: مش فيه حاجه اسمها تستأذني

ماسه تدخل و تقفل الباب: مالك

نديم: مفيش

ماسه تقعد قدامه: أنت كنت بتعيط

نديم بيحاول يبتسم: اكيد لا

ماسه: نديم انت مش مظبوط من ساعه الخطوبه

نديم يقوم يقعد علي السرير: أنا كويس

ماسه بحده: بطل بقي

نديم: عايزه ايه ماسه

ماسه: مالك

نديم: ولا حاجه انا زي الفل بس نائل مرتبط ب هايدي بس و لما قولتله....

ماسه تقاطعه: قولتله

نديم: لا يعني قولتله ان واحد صاحبي بيحب بنت و اكتشف ان اخوه مرتبط بيها و هو قالي خلي صاحبك يقول ل اخوه و اخوه لو كويس و جدع يسيبها و الاتنين مش يرتبطوا بيها

ماسه: و قولتله بقي ان انت بتحب هايدي

نديم بصوت مخنوق: مش هاين عليا اكسر قلبه