غرباء في بيت العمده(مكتمله)

الفصل الخامس و الثلاثون

تاني يوم الصبح ماسه تصحي و ترفع راسها تلاقي ابوها صاحي

ماسه تقعد: مصحتنيش ليه

نوح: سبتك ترتاحي

ماسه تبص علي سرير حور: مصحيتش

نوح: لا

ماسه: بابا

نوح: نعم

ماسه: أنا حلمت ب شوق...قالتلي انها مش زعلانه مني بالعكس هي فرحانه اني بقيت كويسه و بتقولي خلي بالك من حور

نوح يبتسم: ربنا بيحب البنت دي اوي علشان بعتك انتي ليها الله اعلم ايه الي كان ممكن يحصل لو حد تاني غيرك انتي و سيف لقاها

ماسه دموعها تنزل: انا مش عارفه المفروض اعمل ايه و هي وثقت فيا اوي

نوح يمسح دموعها: متعمليش انا و سيف الي هنعمل انتي بس خلي بالك منها

الباب يخبط و سيف يدخل لابس لبس الشغل و معاه فطار

سيف: صباح الخير

نوح: صباح النور

يقعد

سيف: جبت فطار

ماسه: مجاش بلاغ او اي حاجه

سيف: جه بلاغ من شابين عندهم حوالي 25 و 18 سنه أن اخته مختفيه و عندها 14 سنه

ماسه: حور صح

سيف: اه

ماسه: طب هي ليه كانت خايفه من اخواتها

نوح: الله اعلم

في البيت
الكل صاحي

نادر: يعني ايه بايتين في المستشفي و بيقولك سيف و ماسه كويسين

ليلي بتعيط: انا مش عارفه هو ده الي قاله

يونس: طب نروح المستشفى

سراج: بلاش كلنا

هشام: خلاص بابا و سراج يروحوا

نديم: بس انا عايز اطمن

سراج: هنبقي نتصل بس خليكوا هنا دلوقتي

لؤلؤ بتعيط: أنا خايفه علي ماسه اوي

نائل: يا جدعان لو كان فيه حاجه كان بابا قال خير ان شاء الله

نادر: هتلاقوا ماسه رجليها وجعاها بس

ليلي تبص له بحده: ده وقت تريقه

نادر: طب ممكن تهدي عمو و سراج رايحين اهو

في المستشفي
ماسه قاعده جنب حور و نوح علي الكنبه و سيف قدام الشباك بيكلم في التليفون

سيف يقفل المكالمه: أنا قولت ل ظابط المباحث يبعت الأخوات هنا

ماسه: بس هي خايفه