غرباء في بيت العمده(مكتمله)

الفصل الرابع و الثلاثون

سيف دخل بسرعه ماسه بتجري وراءه

سيف بصوت عالي: حد من التمريض او الدكاتره

ممرضه تقرب منه

سيف: البنت دي تقريبا اتعرضت ل اغتصاب انا مش متأكد

ممرض تاني يقرب معاه سرير نقال و دكتور
سيف حط البنت علي السرير

الدكتور: انتوا حد من اهلها

سيف: لا أنا مأمور البلد و دي خطيبتي لقينا البنت دي علي الطريق

الدكتور: تمام انا هعمل كشف اولي و لو فيه حاجه هاخد إجراءات ل عمليه او كده

سيف: أعمل اللازم

الدكتور دخل اوضه الطوارئ
و سيف يبص ل ماسه يلاقي دموعها نازله بس ساكته
يقرب منها و يحضنها

سيف: أنا هنا

ماسه تدفن وشها في صدره: سيف...أنا خايفه اوي

سيف يشدها اكتر: أنا هنا متخفيش مفيش حاجه هتأذيكي

ماسه: عايزه بابا

سيف: بلاش نتصل بيه هنعمل قلق كده ليه و ممكن البنت متبقاش من البلد

ماسه تبص ل سيف: أنا عايزه بابا ليا انا

سيف: حاضر هتصل بيه

يطلع تليفونه و يتصل علي نوح

نوح بصوت نايم: سيف...في حاجه انتوا كويسين

سيف: عمي احنا كويسين بس احنا في مستشفى البلد و محتاجينك ممكن تيجي

نوح: ماسه كويسه

سيف: هي كويسه و الله بس تعالي متصحيش حد

نوح: هاجي حالن

قفل الفون

سيف: هيجي اهو

قعدوا علي الكراسي سيف حاوطها بدراعه و هي حطت رأسها علي صدره
نص ساعه و الدكتور يخرج و الاتنين يقفوا

الدكتور: حاله اغتصاب كامله و فيه علامات مقاومه عنيفه...المهبل متأذي جدا تمزقات في المهبل و فيه كدمات علي الفخذين و عض في أنحاء جسمها كله و خربشه

ماسه تقعد علي الكرسي و تعيط

سيف: يعني يا دكتور هتبقي كويسه

الدكتور: اه هي كويسه بس اكيد حالتها النفسيه هتبقي تحت الصفر...عن اذنكوا

سيف يقعد جمبها و يحضنها

ماسه تحتضنه: أنا عايزه بابا

سيف: اكيد جاي

نوح يقرب منهم