غرباء في بيت العمده(مكتمله)

الفصل الثالث و الثلاثون

ماسه نزلت ل سيف كانت لابسه فستان بسيط لونه كحلي و سايبه شعرها و حاطه مكياج خفيف و سيف لابس قميص حكلي و بنطلون اسود

نوح: هنمشي احنا بقي عايزه حاجه

ماسه: لا يا بابا شكرا

ليلي تحضنها: خلي بالك من نفسك

سيف يضحك: ايه يا طنط دي اهانه ليا

ليلي تبص له و تضحك: مش قصدي يا حضره الظابط

نوح يبتسم: يلا خلينا نسيبهم....خد يا سيف ده مفتاح عربيه ماسه

سيف ياخده: تسلم يا عمي

الكل يمشي و سيف يمسك ايد ماسه و يدخلوا المطعم يقعدوا علي الترابيزه

سيف: ماسه نديم والله هيبقي كويس...يمكن مقلب من مقالبه

ماسه: لا...أنا حاسه بيه

سيف يمسك ايدها: تحبي نقوم نمشي

ماسه: لا هيضايق علشان بوظ لينا اليوم

سيف: طب حل وسط....نأكل و نروح

ماسه بسرعه: اه اه و وعد هعوضك بيوم حلو وعد

سيف يبتسم: يا ستي كل يوم انتي فيه جنبي حلو....ها تأكلي ايه

تمسك المنيو و تفضل تبص فيه بس مش مركزه عماله تبص في التليفون مستنيه رساله

ماسه: سيف...مش جعانه كُل انت

سيف: ايه كُل انت دي لا هنأكل مع بعض...هجيب اكل ليكي علي ذوقي

ينادي الجرسون

سيف: طبق باستا بالكريمه مع صدور الفراخ و طبق استيك و اتنين عصير ليمون بالنعناع

الجرسون: و الحلو

سيف: هات طبق بان كيك بس

الجرسون: نص ساعه و الاكل يكون جاهز

يمشي

سيف: هتروحي الكليه امتي

ماسه: يومين كده

سيف: و المشروع

ماسه: مش لاقيه قضيه تشدني....مش عارفه اصلا الموضوع مش عاجبني

سيف: طب بصي نقراء الملفات تاني واحده واحده تمام و نختار اكتر واحده شبه الي في دماغك...ايه رايك

ماسه: ماشي

بعد وقت في الدار الكل روح و في اوضته
نديم كان بيطلع هدومه من الدولاب علشان ياخد دش و نائل دخل الاوضه

نائل: ايه يا عم ايه الوش ده

نديم من غير ما يبص: مالي ما انا تمام اهو

نائل يقعد علي السرير: متأكد

نديم: هاخد دش و اخرجلك

نديم يدخل الحمام و نائل فضل علي السرير
خمس دقايق و نديم خرج و قعد علي السرير بينشف شعره