غرباء في بيت العمده(مكتمله)

الفصل الثاني و ثلاثون

سيف و ماسه واقفين قدام باب القاعه بيستعدوا علشان يدخلوا القاعه

سيف ماسك ايدها: متوتره

ماسه: مش عارفه بس انت هنا

سيف يبتسم: و هفضل هنا علطول

الباب يتفتح و يدخلوا مع بعض وسط زفه بلدي و الكل بيبص عليهم
اخواتها و امها و ابوها واقفين عند الكوشه
قربوا و نديم بدأ يصفر

ماسه: اسكت

نديم: بس يا بت

قعدوا في الكوشه و الكل ينزل و أصحاب ماسه يقربوا منها

هايدي: غفلتينا انتي و البيه بتاعك

ماسه: أنا اتغفلت انا كمان علي فكره

سيف: قصدك ايه

كريم صاحب ماسه و معاها في الكليه: سيبك منها هي مخها لادع

عند تربيزه العيله

نوح: يونس دي لؤلؤتي..لولي ده عمك بابا هديه و دي مراته هنيه و ابنهم هشام

يونس يقف و يبتسم: ماشاء الله ايه الحلاوه دي ربنا يخليهم ليك

هنيه تيجي جنبها: ده احنا عندنا عروستين مش عروسه واحده

ده كله لؤلؤ بصه في الأرض و وشها احمر

نديم: شوفتوا دي عكسها تماما العروسه مهيبره

سراج: و لما تنزل تضربك ترجع تزعل

يونس: نوح شوف مين جه

نوح يبص ناحيه باب القاعه يلاقيه ابوه جاي ناحيتهم

عبد الجواد: ايه المسخره و قله الأدب دي...من امتي عندنا البنت بتختار ولا تتخطب

نوح: ملكش فيه

عبد الجواد بحده: هو ايه مليش فيه

نوح بحده: حياتي و حياه ولادي ملكش فيهم

يونس: خلاص يا جماعه بلاش ننكد علي العيال النهارده

عبد الجواد: ما انت حيوان زيك زيه و فلت من تحت ايدي و مشيت وراءه

نوح: اطلع بره...انا غلطان اني عزمتك اصلا

عبد الجواد: أنا هوريك

يمشي

لؤلؤ تحضنه: بابا متزعلش...النهارده مش ينفع حد يزعل

يجي حد من بتوع القاعه

الراجل: لو سمحت...حضرتك كنت قلت ان قبل أي فقره يلبسوا الدبل

نوح يبعد لؤلؤ حبه: اه...مين هيقدم الشبكه

لؤلؤ: مش هعرف هتوتر