غرباء في بيت العمده(مكتمله)

الفصل واحد و ثلاثون

لؤلؤ و ماسه و هديه صحيوا الصبح بدري راحوا الفندق في قنا نادر وصلهم و رجع تاني

نادر داخل البيت: مش فاهم انا ما كنا جهزنا هناك

نوح: سيف اتكسف لإن انا هدفع....كفايه عليه الدهب و المصاريف الي جبها

نائل: مش مشكله يا عم هجهز انا و نديم في السريع علشان لما الضيوف يقربوا نروح احنا الفندق نستقبلهم

نادر: أنت مسمي اصاحب نديم وماسه ضيوف دول عيال عرر....و الله لنتفضح النهارده

نديم: لو سمحت اتكلم علي أصحابنا حلو...و بعدين ما انت اصحابك المثقفين و أصحاب البيه الدكتور الدكاتره و أصحاب الفنانه جايين...ولا انا و ماسه ولاد البطه السوده

نادر: يا عم دول أشكال

سراج يقرب و هو شايل نور: طب نشوف الحوار ده بعدين اخوكم متسوح بالواد ده

نديم: مش انت الي عملت فيها جنتل استحمل

سراج: ونبي حد يجي يساعدني اغير له...خالتي ليلي محتاسه

نائل: هاجي معاك تعال

سراج: بتعرف تغير ل أطفال

نائل: لا هجرب

يدخلوا الاوضه بتاعت سراج

عبد الرحمن خارج جري من اوضته: أنا اتأخرت صح فوت الفرح

نديم: لاااا لسه بدري خالص....هات هدومك و تعال نطلع نقعد في اوضتي

نادر: بوظت الولا

عبد الرحمن: اسمي بودي....و بعدين انا اخوك الكبير ايه ولا دي

نادر: خلاص يا عم بودي متأسفين....بابا فين

نديم: راح يستقبل اخوه

نادر: ده بابا هديه صح

نديم: اه

نادر: تمام

نديم يطلع مع عبد الرحمن
فات نص ساعه نوح دخل وراء منه يونس اخوه الصغير و مراته هنيه و ابنهم هشام

نوح بينادي: يا ليلي تعالي

ليلي تخرج من اوضه سراج شايله نور: ايه

نوح مبتسم: اخويا الصغير و مراته و ابنه

ليلي تبتسم: اهلا وسهلا شرفتونا

يونس: نوح قالي عليكي كتير

هنيه مبتسمه: بس طلعت احلي مما كنت بتقول

ليلي بكسوف: شكرا ليكي

نوح: ده هشام اخو هديه الكبير

ليلي: ازيك يا حبيبي

هشام: الحمد الله

نوح ياخد نور: امال ابوه فين

ليلي: جوه هو و نائل دخلت الاوضه عليهم لقيتهم محتاسين بالواد