غرباء في بيت العمده(مكتمله)

الفصل الثلاثون

يوم الاربع البيت كله مقلوب بكره خطوبه ماسه
لؤلؤ عماله تظبط شنطتها هي و ماسه الي هيخدوها الفندق الي فيه القاعه في قنا
نائل مع سيف في القاهره بيجيبوا الحاجات الي ناقصه
نادر بيكلم في التليفون من الصبح بينظم مع بتوع القاعه الفقرات و البوفيه
نوح و سراج بيحسبوا الفلوس الي أتصرفت و ليلي عماله تقول ليهم علي الي ناقص
بالنسبه بقي للعروسه و نديم مشغلين اغاني بصوت عالي اوي و عمالين يرقصوا مع بعض

نوح: أنا صدعت

سراج: صدعت بس الناس في البلد هتقول ايه و الاغاني دي طالعه من بيت العمده

نوح: و هما مالهم عيالي يعملوا الي هما عايزينه

لؤلؤ علي السلم: ممكن حد يقول للهانم دي تطلع تساعدني في توضيب الشنط

هديه تضحك: أنا هاجي اساعدك يا لؤلؤ

لؤلؤ: بس انتي من الصبح في المطبخ حرام

هديه: مش مشكله يعني سبيها

تطلع هديه مع لؤلؤ

ليلي: فين عبد الرحمن

سراج يضحك: قال هيقعد بره علشان مصدع

نادر يجي عليهم: الهانم قايله ل بتوع الفندق اكل سي فود هي هبله

نوح يضحك: اوعي تكون غيرته

نادر: غيرته طبعاً مين هيأكل من المعازيم كده...أكلها هي و سيف سبته زي ما هو

نوح: محدش يزعلها بقي

يظهر نديم و هو شايلها عمال يدور بيها

ماسه تضحك: يا عم نزلني هقع اكسر كده

نديم لسه بيدور: لا متخفيش

ماسه تضحك: والله ما هبقي قادره كده بكره

نديم ينزلها: مش مهم المهم اننا مبسوطين

ماسه تحضنه

ماسه: بحبكوا اوي

سراج: ايه مليش حضن انا كمان

ماسه تروح تحضنه

ماسه تبعد عنه: بجد انا بحبكوا اوي

لؤلؤ من علي السلم: بلاش مُحن ياختي و تعالي ساعديني

نديم: لا دي بتاعتي النهارده

نادر يقرب: هو انتي حاجزه ليكي ترابيزه في المطعم بعد الفرح

ماسه: اه...انتوا امشوا و أنا و هو نقعد نتعشي و نحصلكوا

سراج بص ل ابوه

نوح: مش مشكله يا ماستي

نادر: اصلا يا بابا انت دفعت فلوس الحجز