غرباء في بيت العمده(مكتمله)

الفصل التاسع و العشرون

تاني يوم الصبح الكل في الصاله مستني ماسه تصحي

هديه: هي بقت كويسه

ليلي: اه الحمد الله فاقت الفجر

سراج بكسوف: سمعت صوتها بليل بتزعق

نوح بحده: اه كانت مفكره ان أنا و أنت هنقتلها

سراج: آسف

نديم: ياريت تعتذر ليها هي مش ل بابا

لؤلؤ: هدخل اصحيها طالما هي بقت كويسه

عبد الرحمن: ينفع اجي

نائل: لا بلاش خلي لؤلؤ تصحيها و هي هتخرج لينا و تكلمنا

عبد الرحمن: ماشي

لؤلؤ تدخل

نوح بحده: سراج مهما اختك عملت متتعصبش عليها و متخفش مش هتقتلك ولا ترمي عليك فاظه

سراج: المهم تسامحني

بعد شويه خرجت ماسه و لؤلؤ

ماسه: هنرجع البيت

نادر: اه بنحول الحاجه اهو للعربيات

ماسه: هقف بره شويه

هديه: أنتي كويسه عن امبارح

ماسه تبتسم: اه الحمد الله...فين نور

هديه: نايم اسكتي تعبني من امبارح عنده مغص جامد و سنانه بتطلع

ماسه: الف سلامه عليه

عبد الرحمن يقرب بورقه رسم فيها قلب: حمدلله على سلامتك

ماسه تبتسم: الله يسلمك يا بودي

تحتضنه و تبعد بعدها

ماسه: هخرج بره بقي

تخرج تقف قدام الباب و بعد شويه سراج يخرج ورائها

سراج: عارف لو اعتذرت مش هيعوضك علي احساس الخوف ده بس والله انا كنت خايف عليكي انتي قبل أي حاجه و غرت كمان اعمل ايه يعني

ماسه ببرود: ولا حاجه تجرني من شعري و تقول إني جبت العار ليكوا....أنا كنت مرعوبه و مستخبيه في حضن سيف خايفه من حاجه مقدرتش اقولها غير ليه هو و انت جيت بدل ما تحتويني زي اي اخ كبير خليتني يغم عليا من الخوف

سراج يبص للأرض مش عارف يرد يقول ايه

ماسه: بس انت كنت خايف عليا بإسلوبك

سراج يبصلها و يقول بسرعه: اه والله اه خفت تكوني بتعملي حاجه غلط و ده هيإذيكي قبل ما يإذينا....أنا آسف

تقرب منه تحضنه و هو يفرح و يحضنها بس ماسه مش بتنسي حقها و تقوم عضه

سراج: ااااه أنتي بتعملي ايه