ليتك كنت رحيم

💖 الفصل الثاني 💖

قال رحيم مع اني اسمك غالي علي بس لازم اخد حق اخويا واللي عملتيه فيه 

كانت ندى في الكافيه ولكن  باله مشغول في ذلك الكابوس المزعج 

دخلت عليها اسراء وقالت مالك يا نودي من الصبح وانتي مش طبيعيا في حاجه مضايقاك

قالت ندى بهم مافيش بس حلمت حلم  وحش قوي ثم حكت لها الحلم

قالت اسراء هو فعلا حلم يخوف قوي ثم قالت بمرح انتي ايه يا بنتي اللي يخليكي تحلمي بالحاجات الوحش دي يمكن تقلتي في الاكل قبل ما تنامي واللي بيطاردك ده كان جعان وانتي يا عيني اكلتي اكل

قالت ندى وهي تبتسم لا ياختي ما تقلتش في الاكل ولا حاجه

قالت اسراء هقول لك على فكره حلوه لما تنامي البسي كوتشي

قالت ندى باستغراب  وده ليه بقى ان شاء الله

قالت اسراء عشان لما حد يطردك في الحلم تعرفي تجري منه ثم انفجروا في الضحك

قالت ندى وهي تضحك والله ضحكتني وانا ماليش نفس

قالت اسراء تدوم الضحكه يا قلبي ثم قالت يلا يا اختي نشوف شغلنا بدل ما شريف يطربقها على دماغنا

فات اسبوع على هذه الاحداث ورحيم يخطط كيف يوقع ندى في شباكه لكي ينتقم منها على ما فعلت باخيه

كانت ندى وفيروز واسراء في الكافيه يعملون على قدم وساق فاليوم حجز رجل اعمال الكافيه لاقامه غداء عمل مهم فقد حجز رحيم الكافيه كله من أجل إتمام خططه

كانت ندى وفيروز في داخل مطبخ الكافيه يقوموا بتجهيز كل شيء فدخلت عليهم اسراء وقالت الناس جم شكله راجل اعمال من العيار التقيل

قالت فيروز باستغراب وايه اللي يجيب راجل اعمال من العيار التقيل كافيه عادي كده ما في مطاعم وكافيهات مستوياتها احلى من هنا

قالت اسراء يمكن عجبه الكافيه ولا حاجه ارزاق بقى

قالت ندى سيبكم من الهري اللي انتوا بتهروه  وخلينا نشوف شغلنا

قالت اسراء كل حاجه جاهزه ما فاضلش غير التقديم لما يجي شريف ويقول نقدم الحاجه هنقدم

دخل رحيم الكافيه بهيبه وشموخ وجلسه هو ومن معه فجاء شريف مدير الكافيه ورحبا بيهم ترحيب حار جدا وقال اهلا وسهلا نورتنا يا رحيم باشا ده شرف كبير لينا ان حضرتك تيجي عندنا

قال رحيم بكل برود شكرا يا ريت تخليهم يبداوا الخدمه

قال شريف انت تأمر يا باشا وذهب

بعد ذهابه قال رحيم لصقر كل تمام

قال صقر تمام يا باشا ما تقلقش كله هيتم زي ما انت عايز بالظبط

خرجت ندى وهي تحمل صنيه عليها اكواب عصير وبدأت في التقديم وعندما وصلت الى رحيم وضع صقر قدمه امامه فوقعت