ليتك كنت رحيم

💖 الفصل الاول 💖

في فرنسا

كان رحيم يجلس في اجتماع مع بعض العملاء يناقشون صفقه مهمه وعندما انتهى دخلت عليه نجلا مديرة مكتبه وقالت رحيم بيه جد حضرتك عمال يتصل بيك وتلفونك مقفول وعايز حضرتك ضروري

قال رحيم فعلا تليفوني مقفول قفلته ساعه الاجتماع ونسيت افتحه خير يا نجلا ما قالكيش عايز ايه

قالت نجلا بتوتر  اصل هي حاجه تخص ريان بيه

انتفض رحيم وهو يفتح هاتفه ويقول ماله ريان حصل له ايه انطقي

قالت نجلا ريان بيه تعب ودخل المستشفى قطع كلامها

رنين هاتف رحيم الذي فتح بسرعه وهو يقول بلهفه ايه يا جدي ريان ماله حصل ايه

قال الجد وهو يبكي ريان وقع من طوله في الشركه ولما رحنا المستشفى الدكتور قال إن هو واخد جرعه هيروين زياده وبيقول ان هو مدمن بس الجرعه المره دي كانت زياده عن كل مره لازم تيجي يا رحيم اخوك ما لوش في الطريق ده اكيد في حاجه غلط

قال رحيم وهو يجز على اسنانه وانت يا جدي انت ووفيه ما لاحظتوش عليه حاجه الفتره اللي فاتت يعني اغيب عنكم ثلاث شهور اخويا يضيع عامه يا جدي انا نازل مصر النهارده وقفل دون ان يسمع رد نظر لنجلا وقال خليهم يجهزوا الطياره عشان انا مسافر مصر عقبال ما اروح البيت الم حاجتي وانتي يومين وتحصليني وجمع اشياء وذهب

بعد ذهابه قالت نجلا ربنا يستر ويعديها على خير

في مكان اخر في مصر

كانت ندى في الكافيه التي تعمل في دخلت عليها فيروز واسراء وقالوا بفرحه لقيناها يا نودي لقيناها

قالت ندى باستغراب هي ايه دي اللي لقيتها يا حبة مجانين

قالت اسراء لقينا اللي هيدينا المحاضرات

قالت فيروز اتعرفنا النهارده على حته بنت عسليه لما حكينا لها ظروفنا اللي احنا مش هنقدر نيجي الجامعه عشان الشغل وكده وافقت ان هي هتدينا المحاضرات

قالت ندى طب الحمدلله ما تتصوروش يا بنات انا كنت شايله هم الموضوع ده قد ايه ابقوا اعزموها بقى عندنا هنا في الكافيه عشان نقوم معاها بالواجب واتعرف عليها

في اليوم التالي وصل رحيم مصر وذهب الى المستشفى الموجود بها ريان وعندما دخل وجد جده وعمته يجلسون وهم يقرأون القرآن الكريم

قفلت وفيه المصحف عندما وجدت رحيم يدخل عليهم المستشفى وذهبت له وارتمت في حضنه وقالت وهي تبكي شفت اللي حصل لريان يا رحيم ريان بيروح من بين ايدينا انا خايفه عليه قوي لا يجرى له حاجه

قال رحيم وهو يحتضنها ما تخافيش يا وفيه ريان هيبقى كويس وهيقوم بالسلامه لو اضطريت ادفع كل ما املك ده ابني قبل ما يبقى اخويا ثم اخرجها من حضنه ومسح دموعها