غرباء في بيت العمده(مكتمله)

الفصل الثامن و عشرون

الفجر كانت ليلي نايمه جمب ماسه و نوح واقف يصلي
ماسه تتحرك شويه و بعدين تفتح عينها تقوم منفوضه و تعيط برعب و ليلي تصحي و تحضنها

ماسه بإنهيار: قتلوا سيف صح هما قتلوه

ليلي تحاول تهديها: اهدى يا ماسه محدش عمل حاجه لسيف

ماسه بتتحرك بإنهيار: لالا هما هيقتلوه و هيقتلوني بابا و سراج انا عارفه الصعايده بيعملوا ايه بس انا و الله معملت حاجه غلط والله

ليلي تمسكها: ماسه فوقي محدش هيعمل فيكوا حاجه اهدئ

نوح خلص صلاته و قرب قعد علي طرف السرير

نوح: ماسه

ماسه تصوت و تدفن نفسها في حضن امها: لااااااا ونبي والله ما عملت حاجه والله

الباب بيفتح و يدخل التؤام

ماسه تمد ايدها و هي منهاره: الحقني يا نادر هيقتلونا

نوح يقف و يبعد عن السرير و نادر يقعد جمبها

نادر يحضنها: محدش هيعمل حاجه من دي يا ماسه...بابا بيحبك و سراج كمان و محدش يقدر يزعلك

ماسه بعياط: لا هو هيقتلني كل الصعايده بيعملوا كده

نديم يقرب و هو بيضحك: لا متخفيش ابوكي صعيدي مودرن

نوح: ممكن كلكم تخرجوا من الاوضه عايز اتكلم مع ماسه

نائل: حاضر...متخفيش يا ماسه بابا بيحبك اكتر واحده فينا

لؤلؤ تضحك: و أنا مش بغير خالص

اخواتها يبوسوا رأسها و يخرجوا بس هي تمسك ايد امها علشان تفضل

نوح يقرب و يقعد علي السرير: بصي يا ماسه عايز اقولك حاجه....اولاً أنا أعرف كل حاجه من اول يوم سيف جه فيه هنا....تاني حاجه سراج غلطان سواء انتي كنتي لاسمح الله بتعملي حاجه وحشه او لا....حتي لو كنتي بتعملي حاجه تغضب ربنا انا كنت هقف جمبك و أحاول أصلح غلطتك و اعلمك ازاي تستغفري ربنا و توبي بس انا واثق ان ماستي عارفه قيمه نفسه و عمرها ما هتفطر في نفسها بالساهل...تالت حاجه سراج عمل كده علشان كان غيران عليكي مش بقولك سامحيه علطول بس عايزك تعرفي قد ايه بيحبك....رابع حاجه دي هضايق لإني مكنتش هوافق علي سيف لو مكنش قالي الحقيقه من اول يوم...ازاي أوافق علي واحد استغفلني قعد جمبي و كل عيش و ملح معايا و هو مش قايلي علي حقيقه مشاعره

ماسه في حضن امها بتعيط: أنا كنت مرعوبه

نوح يطبطب علي ضهرها: طول ما ابوكي عايش متخافيش و اذا زمان كنتي واخده الدنيا عافيه دلوقتي خديها عافيتين و أنا معاكي