بعد وقت طويل
لؤلؤ: هتمشي انا و ماسه شويه مش هنبعد
ليلي: خدوا هديه معاكوا
لؤلؤ بتردد: اااه شويه طيب عايزه اقول لماسه سر
هديه تبتسم: عادي يا لؤلؤ شوفي عايزه اختك ليه
ماسه و لؤلؤ يقوموا يمشوا و يوصلوا عند شجره كبيره و يقعدوا
ماسه: تفتكري هيجي
لؤلؤ: هيجي
بعد عشر دقايق يجي سيف و نديم
نديم: يلا يا لولي
لؤلؤ تقوم و تمشي مع نديم و سيف يقعد جمب ماسه
سيف: بتبلكيني يا ماسه
ماسه:....
سيف: عارف اني بضغط عليكي...بس انا مش عيل انا راجل و مكسوف و أنا ببص في وشك ابوكي و اخواتك
ماسه: أنا حبيتك علشان انت راجل مش عيل
سيف: طب في ايه بقي
ماسه بصوت مخنوق: بصراحه
سيف يمسك ايدها: طول عمرنا بنكلم ب صراحه
ماسه بخجل: أنا خايفه من...
سيف: من ايه يا ماسه
ماسه بخجل: أنت فاكر الي انا حكيته ليك الي حصلي من 13 سنه
سيف: اه_يسكت شويه_ماسه انتي خايفه من الي هيحصل بينا زي اي راجل و ست
تهز رأسها ب اه و بعدين تنفجر في العياط
سيف يحضنها: طب بس خلاص....بصيلي
ماسه مش بتبص له من كتر العياط و الخجل
سيف يضمها اكتر: طب خلاص براحتك...بس عايز اقولك...انك لو وافقتي نتجوز عمري ما هعمل كده ولا هلمسك غير لما أنتي تبقي عايزه
ماسه: بس انت راجل و محتاج حاجات و...
سيف يقاطعها: لا مش محتاج غير انك تبقي جمبي و مراتي
ماسه بتعيط: مراتك هتبقي بتخاف من لمستك....مش هتعرف تجيب ليك عيال ممكن سنين
سيف: عايزك انتي بس والله العظيم و الله ما هطلب منك حاجه
فجأه تسمع و هي في حضن سيف صوت حد بيزعق ليها تتنفض و تبص وراها تلاقي سراج
سراج يقرب بزعيق: أنتي بتعملي ايه
ماسه تقف: هقولك بس
قبل ما تكمل كلامها تلاقي سراج بيشدها من شعرها و هنا سيف بيدخل و يمسك ايده
سيف: مينفعش كده احنا مش بنعمل حاجه غلط
سراج يسيب ماسه الي هتموت من العياط و يضرب سيف و بعدين يمسك ماسه تاني بنفس الطريقه و يمشي ناحيته ابوه لؤلؤ و نديم كانوا قاعدين بعيد و سمعوا صوت الزعيق و جريوا وراء سراج
أنت تقرأ
غرباء في بيت العمده(مكتمله)
General Fiction🔴مش بعرف اكتب اللهجة الصعيدي نوح راجل صعيدي ابن العمده تمام حاليا ابوه اتنازل عن العموديه و بقي هو العمده متجوز بنت عمه نرجس من و هو عنده 18 سنه و مخلف منها سراج و سالم و هو عنده 25 سنه سافر القاهره لشغل و قعد فتره هناك اتعرف علي بنت اسمها ليلي و...
