غرباء في بيت العمده(مكتمله)

الفصل السادس و العشرون

بعد يومين نوح بقي كويس
الكل قاعد تحت قدام التلفزيون

نوح: صحيح دراستكوا هتبدا امتي

نادر: كمان شهر

نوح: خلاص سراج يجي معاكوا و أنتوا بتنقلوا الكليات هنا

الخمسه في صوت واحد: لا

ليلي: امال هتفضلوا رايحين جاين كده

لؤلؤ: ما هو بالعقل اكيد مفيش ليا انا و ماسه كليات في قنا

نديم: و اكيد الدكاتره هنا مش زي بتوع القاهره الي معظهم جاي من بره

نوح: ليه أن شاء الله بلدنا مش بطلع ناس بتفهم

نائل: يا بابا هو مش قصده كده بس الدكاتره في عين شمس فعلا علي مستوي تاني من اي كليه في مصر

ليلي: طب انتوا تلت اولاد هتعرفوا تروحي و تيجي و ممكن حد فيكي يجب لؤلؤ و يوديها...الست ماسه و طبيعه دراستها بقي

ماسه: أنا نقلت نفسي في تيم لوحدي و هعمل المشروع بتاعي هنا في جبلاو و هروح المحاضرات عادي

هديه شايله ابنها: بس انتوا عارفين لازم تخرجوا من الساعه كام علشان القطر

نوح: و مين قال هيروحوا بقطر

نديم: هنروح بطياره يعني

نوح: طب والله بسبب استظرافك ده ما قايل حاجه

نادر: عجبك كده ده انت غلس

نديم: طب يا بابا حقك عليا خلاص

نوح: مش هقول بقي حالن

ماسه: طب انا عايزه طلب

نوح: قولي يا حبيبتي

ماسه: عايزه اروح اقضي يوم في اي ارض من اراضيك

نوح يبتسم: بس كده انا جاهز

لؤلؤ بحماس: و أنا

عبد الرحمن بحماس اكبر: و أنا و أنا

ليلي: أعتقد محدش هيبقي عنده اعتراض

نوح: خلاص بكره الخميس نروح

نديم بغلاسه: ايه رايكوا نجيب الظابط الجديد زمانه ياعيني مضايق ما هو مكنش متعود علي العيشه دي زينا

ماسه بتوتر: ليه يعني يجي

نديم يضحك: عادي يعني

نائل: هي فكره حلوه بس لو مش هتبقي مرتاحه خلاص

نادر: و بعدين انتي لسه قايله هتعملي مشروعك هنا يعني لازم تتعرفي عليه

ماسه بعصبيه: ماشي

تقوم و تطلع اوضتها و نديم و لؤلؤ يطلعوا وراها

لؤلؤ تقعد جمبها: متخانقين