غرباء في بيت العمده(مكتمله)

الفصل الخامس و عشرون

بعد اربع ساعات نائل يدخل الاوضه شكله نايم بس تكون ليلي صاحيه بتقرأ في المصحف

نائل بصوت نايم: اتأخرت عن تلت ساعات راحت عليا نومه غصب عني...هو كويس

ليلي تقفل المصحف: شوف بنفسك

يبص علي السرير يلاقي ماسه نايمه في حضن ابوهم

نائل: الله...ايه الي حصل

ليلي: مش فاهمه اوي...بس اعتقد اتخانقوا و هو زعق لها

نائل يقرب و يطلع جهاز الضغط: اقولك يا ماما...صحيح احنا كلنا تؤام بس انا بحب ماسه اكتر...مش علشان حاجه بس بحس انها محتاجه حد يحبها كده

ليلي تبتسم: و هي بتحبك برده و الا مكنتش قالتلك علي سرها الوحيد

نائل و هو بيقيس الضغط: كانت خايفه وقتها و دخلت عندي الاوضه و بعدين حكت

نوح يفتح عينه بتعب

نوح: نائل

نائل: آسف علشان صحيتك بس كنت بطمن علي ضغطك بس

نوح يبتسم: ولا يهمك...علي فكره انا بعد كده مش هثق في دكتور غيرك

نائل يضحك: علي فكره انا هتغر كده

نوح: براحتك انت ابن نوح الجبالي اعمل الي انت عايزه

ماسه تتحرك في حضن ابوها و تحضنه اكتر

نائل: متزعلهاش تاني قلبي بيوجعني عليها

نوح: وعد مش هزعل حد فيكوا ولا هسيبكوا تاني

ليلي: بلاش الكلام ده دلوقتي انت لسه تعبان

نائل يقف: الضغط بقي احسن...هروح انام و لما المحلول يخلص بس رني عليا يا ماما

نوح: ربنا يخليك ليا

نائل يبتسم: و يخليك لينا انت و ماما...تصبحوا علي خير

يخرج

نوح: كنتي صاحيه ولا صحاكي

ليلي: لا صاحيه الفجر هيأذن و هقوم اصلي

نوح يبص للكانولا: مش طايق البتاع دي عايز اشيلها

ليلي: تشيل ايه ده انت هتفضل مركبها طول اليوم

نوح يكشر: لا مش بحب الحاجات دي

ليلي: محدش بيحبها بس لازم علشان الي بتحبهم

نوح يبص ل ماسه: يارب...يارب مش عايز حاجه غير انك تقدرني اني اعوضهم

ليلي تقرب و تبوس راسه: هتعوضهم بس ارتاح دلوقتي

نوح: شكرا انك فضلتي مستنيه كل السنين دي كلها و شكرا انك ربيتي خمس عيال لوحدك تربيه مفهاش غلطه