يوصلوا الدار و الكل كان قاعد مستنيهم ماعدا عبد الرحمن بس ماسه تطلع جري لاوضتها و نوح واقف تحت
ليلي بتقرب: في ايه....اتخانقتوا
نوح: تقريبا...حد يطلع ليها
نائل: هروح انا
سراج: طب انت كويس
نوح: هطلع اريح شويه مش قادر
هديه: عمي تحب اقيس ليك الضغط
نوح بتعب واضح: لا هنام و ابقي كويس
يطلع و ليلي تطلع وراءه
نديم: شكلهم نفخوا بعض
نادر: مش وقتك
سراج: طب كل واحد علي اوضته يلا و بكره نكلم
سراج ياخد مراته و يدخلوا اوضتهم و الولاد كل واحد يروح اوضته
نائل واقف قدام اوضه ماسه بيخبط
نائل: أنا نائل ممكن ادخل
ماسه مش بترد و هو يفتح الباب و يدخل براحه
يلاقيها قاعده علي السرير بتعيط و هو يقرب يقعد جمبها
نائل يتنهد: اخيراً عيطتي بعد 13 سنه
ماسه ترمي نفسها في حضنه و تعيط اكتر و هو يحضنها
نائل: خلاص انا هنا دلوقتي
بعد وقت ماسه هديت و رفعت رأسها مسحت دموعها و لسه هتتكلم يسمعوا صوت امهم بتنادي علي سراج
الكل يخرج من اوضته
نادر: في ايه
سراج يطلع من تحت: حصل ايه
ليلي بتعيط: ابوك مش بينطق يا سراج
الكل يجري علي اوضته نوح بيكون نايم علي السرير
سراج: ايه الي حصل
ليلي بتعيط: كنا بنتكلم...كان نايم كده و بيكلم فجأه سكت و كان بيتنفس بصعوبه و بعدين أغمي عليه
سراج: هديه ادي ل نادر يتصل علي الدكتور حالن
لؤلؤ بتعيط: طب ما نوديه مستشفي
هديه بتوتر و هي بتدي التليفون ل نادر: مش بيحب هو متفق مع الدكتور ده لما حالته تصعب يجي ليه البيت
نادر: ألوو...محتاجينك في بيت العمده ضروري...اه بابا تعبان...بسرعه لو سمحت
لؤلؤ تبص علي ماسه الي واقفه في ركن الاوضه مصدومه و مش بتنطق و تقرب منها
لؤلؤ: ماسه
ماسه بصوت واطي: أنا الي زعلته....و هو قالي لو هتبقي مرتاحه اعتبريني ميت...أنا مش عايزه يموت يا لؤلؤ
أنت تقرأ
غرباء في بيت العمده(مكتمله)
General Fiction🔴مش بعرف اكتب اللهجة الصعيدي نوح راجل صعيدي ابن العمده تمام حاليا ابوه اتنازل عن العموديه و بقي هو العمده متجوز بنت عمه نرجس من و هو عنده 18 سنه و مخلف منها سراج و سالم و هو عنده 25 سنه سافر القاهره لشغل و قعد فتره هناك اتعرف علي بنت اسمها ليلي و...
