غرباء في بيت العمده(مكتمله)

الفصل الثالث العشرون

في العربيه ماسه ساكته بس باين عليها انها فرحانه و نوح ملاحظ

نوح: الجو هيبقي غريب شويه و هتشوفي أشكال تخوف

ماسه: دخلت قبل كده قسم...في الكليه كل ترم بنعمل مشروع قضيه معينه...زي القتل و السرقه و كده و بيبقي مطلوب مننا نطبق الي دكاتره بتشرحه علي المجرم الي معانا كل تيم بيبقي معاهم مجرم و في آخر الترم بناقش الي توصلنا ليه

نوح يبتسم: حلو ده بس متعب صح

ماسه: جدا...بس انا بحبه

نوح: اهم حاجه تخلي بالك من نفسك

ماسه: ماشي

بعد شويه يوصلوا القسم و ينزلوا
نوح داخل و ماسه وراءه و يوصلوا ل مكتب سيف

نوح للعسكري: سيف بيه جوه

العسكري: جوه...هقوله أن حضرتك هنا ثواني

العسكري يدخل و بعد شويه يخرج

العسكري: اتفضلوا

نوح يدخل و ماسه جمبه و سيف يقوم يقف بسرعه الإبتسامه كبيره علي وشه و يمد ايده و يسلم علي نوح

سيف مبتسم: جناب العمده بنفسه هنا....مش كنت تقول علشان نفرش الأرض ورد

نوح: مش للدرجه دي

سيف يمد ايده ناحيه ماسه: أهلا بيكي

ماسه تسلم: أهلا

الكل يقعد

سيف: تشربوا ايه بقي

نوح: ولا اي حاجه انا جاي اطمن عليك بس و اشوف اول يوم ليك

سيف: لحد حالن زي الفل....بس لازم تشربوا حاجه علي ما الغدا يجي

نوح: غدا مره واحده...لا احنا هنمشي علطول

سيف: و الله ما هيحصل هتتغدوا معايا...يعني يرضيك يا عمده اتغدي لوحدي

نوح يضحك: طب بشرط انا الي عازمك

سيف: يعني تبقوا في مكتبي و انت الي تدفع

نوح: أنا الكبير

سيف يضحك: خلاص ثبتني...بس تشربوا ايه الاول

نوح: أنا شاى تقيل و معلقه سكر

ماسه: كابتشينو

سيف يرفع السماعه: واحد شاي تقيل و معلقه سكر و اتنين كابتشينو واحد ساده و التانيه تلت معالق سكر

ماسه تتصدم و تبقي عايزه تقوم ترزعه قلمين و تبص ناحيه ابوها الي يعمل نفسه مش واخد باله و بعدين تليفونه بيرن

نوح: هرد علي التليفون عن اذنكوا

يدخل البلكونه الي في المكتب