لعبة القدر

『 𝐏𝐀𝐑𝐓 13

الفصل الأول | ظل من الأمس 🍁

🎭 الجزء الثالث عشر| لعبة القدر ⚖️

✍️ بقلمي : ليلى روز 🌸

❤️‍🩹 "الحب الأول لا يموت... بل يأتي الحب الحقيقي
ليدفنه حيًا." ⚰️🕯️

⛔️⛔️عرفت راسي تعطلت بزاف في هد البارت ولكن الظروف لا تسمح و كنت مريظة و باقا مريظة ولكن بمشقة الأنفس تعليقاتكم هي اللي حفزتني بأخص اللي دخلو عندي لأنسطقرام  ليكم هد البارت متحشمونيش خلي ليا نجمة 🌟 و ظروري من رأيك في التعاليق مع توقعاتك المشاكسة ديالي قرأة ممتعة كنحبكم❤️⛔️⛔️

🥀🥀🥀🥀

مقدرتش نفسر هد الإحساس أو الشعور شنو الفرق بينهم لا لا وصلت المرحلة كنفرق بينهم حيت الإحساس كنحس بيه كنحس بيه قبل ما تلمحوا عيني مجرد ما كيدخل عبق الرائحة ديالو الأعماق الرئتين ديالي اللي كتخلي آوتار قلبي تمشي على الإيقاع رمشات جفونوا بعد ما كتلمحوا عيني أما الشعور هداك حاجة آخرى ههه حيث هداك هو اللي معذبني مرفقني حيث ساكن فيا هداك اللي بدون إذن دخل لأعماق باقي مبغيتش نتيق بهد الإحساس اللي كيقولو ليه الحب هههههه كنضحك على راسي الله يعفو 
🥀🥀🥀🥀

في الغرفة اللي بنفس الديكور اللي مصمم بيه المستشفى كامل كانت هي اللي طايحة حدا الباب كالسة في الأرض كيطيحوا من كل عين جوج دموع صوت شهقتها اللي عالين صدرها معاهم كيطلع و يهبط حاطة يديها على فمها كتحاول ما أمكن تحبس من حدة صوت شهقتها العالية وجهها غادي يتطرطق من الحمورية دخلت عليها هي دغيا وسدت وراها الباب كلست قفازي قدامها حطات يديها بجوج على خدودها كتمسح ليها دموعها  تكلمت بحنية
نجلاء ( كانو عينيها فيهم لمعة ديال الدموع اللي هي كتحاول تحبسهم قدام ختها اللي بقات فيها ) : حبيبتي نورهان شوفي راه 100 ألف واحد كيتمناك ( نورهان وهي بنفس وضعيتها بالبكة و الدموع معمرين ليها وجهها حركت راسها يمين شمال بالمعنى لا ) راه هو اصلا عمر قال لك شي حاجة ولا و عدك  واصلا يالاه شفناه هادي يومين
نورهان ( اللي صوت متقطع ليها ونفس محبوسة كتخرج الهدرة بمشقة الأنفس ) : بـ ـغـ ـيــ ـتـ ـ ـو ا
هي اللي عرفت بدتها الكريز جبدت ليها الربوز من ساكها رشات ليها جوج رشات خلتها حتى رجعت فيها النفس حطت يديها على كتافها بجوج نيشان في عينيها بواحد النظرة فيها الحدة
نجلاء( بصوت صارم نطقت ) : نورهان يالاه فيقي معايا توكدي قبل و بعد كل شي راجل مزوج و عندو ولد يعني نساي نتي اصلا عمرك عطيتي فرصة الشي حد غير أول فرصة عطيتها هي اللي كانت لشخص الغلط ( بدات كترجع ليها خصلات ديال شعرها لور  ) هد شي اللي كتحسي بيه غير حيت أول مرة فهمتي
نورهان ( مسحت وجهها بعشوائية خلات وجهها أكثر حمورية من شدة الضغظ على بشرتها تكلمت وهي كتقول كلمة و تسكت عد تكمل ثانية ) : اه اه بصح نتي  عندك  الصح  ( بتسمت ببلاها كتكلم وكتشرح بيديها بحال شي ولد صغير فاش كيكون داير شي حاجة و خايف ياكل العصة ) مكين والو غير مع بقيت معمرة راسي ياك  هد شي اللي كين
نجلاء( عنقتها وهي مغمضة عينيها حيت أثرث فيها ختها بزاف على ماشي ثوأم ديالها هادي  و توأم كيكون عندهم التعاطف العاطفي الفوري خصوصا إلا كان التوأم كيتشاركوا نفس الملامح الجينية و نفس استجابة الدماغ يعني غادي يحسو بي بعضيتهم ) : أه بصح اختي
   مع هد آخر كلمة تفتح عليهم الباب بعدت عليها