غرباء في بيت العمده(مكتمله)

الفصل الحادي و عشرون

بليل بعد ما سيف مشي نديم يدخل اوضته ماسه من غير ما يخيط

ماسه بحده: حد يدخل كده

نديم يقعد قصدها: أنتي تعرفي سيف

ماسه توتر: أنا لا طبعا اعرفه منين

نديم: أنا مش حمار أنا واخد بالي من نظراته ليكي و نظراتك ليه

ماسه: مفيش حاجه عادي يعني

نديم بحده: هو ايه الي عادي...أعجب بيكي ساعه ما شافك

ماسه: يمكن انا اعرف منين

نديم: قال إنه مرتبط هيعجب بيكي بسهوله و ينسي الي بيحبها

ماسه: و أنا مالي الله مسألتوش ليه

نديم يقوم يقف: خلاص انا هقول ل سراج و ابوكي أن نظراته معجبتنيش

ماسه تمسك ايده بسرعه: طب هفهمك استني..اقعد بس اوعدني يفضل سر

نديم يقعد: سر لحد امتي يعني

ماسه: ممكن تسمعني

نديم: اكلمي

ماسه: احنا مرتبطين فعلا بقالنا سنه و شويه...اتعرفت عليه في اول مشروع عملته في الكليه كان هو الي ماسك القضيه الاول كنا صحاب و بعد كده قالي انه معجب و عايز يتقدملي....أنا كنت بحبه بس مكنتش عايزه يتقدم دلوقتي و للامبارح كان بيقولي افاتح بباكي في الموضوع و أنا برفض

نديم: ليه بترفضي

ماسه: خايفه من المسؤوليه

نديم: و من امتي و ماسه بتخاف

ماسه تبص له بحده

نديم: خلاص متبصيش كده....بصي انا مش ضد انك مرتبطه علي قد ما انا ضد انك مخبيه...بالنسبه للمسؤوليه محدش اتولد جاهز ليها ابدا....احنا بنتعلمها...بس انتي شايله مسؤوليه من زمان دراستك مسؤوليه...اهتمامك بنفسك مسؤوليه....دارك و فينكس مسؤوليه...لسانك الطويل مسؤوليه

ماسه: بس الجواز مسؤوليه تانيه

نديم: عارف بس انتي قدها صح...و لو علي شويه الطبيخ و التنضيف...أنتي مفتريه و سيف شكله طيب هو يعملهم

ماسه: والله

نديم: بهزر طبعاً...بصي كله هيتحل وقتها بس طالما هو متمسك بيكي اوي كده خليه يجي....و بعدين انا كنت شايل هم نلاقي عريس ليكي اصلا

ماسه تضربه بالمخده: تصدق اني غلطانه اني بكلم معاك

نديم يضحك: خلاص اهدي علشان الجرح

ماسه: هو نوح فين

نديم: خرج مع سياده الظابط يوريه شقته

ماسه: ماشي...يلا اطلع بره

بره الدار في شقه صغيره كان نوح واقف مع سيف و معاهم سمسار

نوح: لو معجبتكش ممكن نشوفلك حاجه تانيه