غرباء في بيت العمده(مكتمله)

الفصل الثاني و عشرون

تاني يوم الصبح الكل تحت عند سفره الاكل ماعدا ماسه

ليلي: امال ماسه فين

نائل: غيرت لها علي الجرح و قالت أنها مش جعانه

نوح: حد زعلها

لؤلؤ: لا هو حد بيقدر عليها...و بعدين انت مش شايف انك بتهتم بيها اوي مع اني بنتك برده

سراج يضحك: بتغيري

لؤلؤ: اه

نوح يضحك: خلاص يا ستي آسف...بس انتي قاعده كويسه الحمدلله

لؤلؤ: بس يا بابا انت مدلعها اوي

نوح بصدمه: قولتي ايه

لؤلؤ: قولت انت مدلعها و هي هتاخد علي كده

نديم: من امتي النغمه الجديده دي

لؤلؤ: ملكش دعوه

نوح يبتسم: بصي يا حبيبتي انا و الله بحبكوا كلكم...يمكن ماسه محتاجه الحب ده يظهر اكتر منكوا كلكم بس و الله بحبكوا

ليلي بحده بسيطه: من امتي و أنتوا بتتكلموا علي بعض كده

لؤلؤ: أنا معملتش حاجه انا سألت سؤال لهدف

نادر يضحك: و وصلتي للهدف

لؤلؤ: اه....هطلع أنادي ماسه

تطلع جري لاوضته ماسه

لؤلؤ تضحك: خسرتي الرهان

ماسه: قالك ايه

لؤلؤ تفتح تسجيل صوتي للحصل تحت
و بعد ما يخلص

ماسه: أنتي قولتي له يا بابا

لؤلؤ: سمعت نائل بيقولها له و فكرت مع نفسي هو معملش حاجه وحشه لينا من يوم ما رجعنا و مع أول فرصه رجعنا لحضنه تاني و قولت يمكن نادر كلامه صح

ماسه: مش عارفه بس يمكن

تحت نوح قام من علي السفره و خرج لحوش الدار و نادر راح وراءه

نادر: متزعلش....ده مش اسلوب لؤلؤ اصلا

نوح: مش زعلان بالعكس هي قالتلي يا بابا

نادر: تعرف انا مضايق منك

نوح: حقك

نادر: لا فهمت غلط...أنا مش مضايق انك فكرت في مصالحتنا الماديه و مشيت....أنا مضايق لإني بسببك كبرت بسرعه و بقيت اب لاخواتي قبل ما ابقي ليهم اخ...و أنت جاي تسرق مكاني

نوح يبصله: نادر انا مش بسرق مكانك انا بحاول ابقي في حياتكم حتي لو بمساحة صغيره

نادر: استحملني شويه

نوح ياخده في حضنه: لآخر عمري هفضل مستحملكوا و أحاول اعوضكوا انت الي استحملني و ساعدني انا محتاجك تساعدني علشان تحبوني كلكم عايزك تبقي صاحبي و ابني من غير ما تضغط علي نفسك