بعد خمس ساعات في الطريق يوصلوا اخيرا
ام يوسف تفتح باب الدار و سراج و مراته يقربوا منهم
سراج يبوس ايد ابوه: حمدلله علي السلامه
نوح يبتسم: الله يسلمك
هديه تبتسم: الاكل جاهز
نادر: اكل ايه انا وسطي هيتقطم من السواقه هطلع انام
نائل: علي أساس كنت بتسوق لوحدك
ليلي: كلوا الاول و بعدين اطلعوا
عبد الرحمن: لالالا هنتفرج علي هدومي الاول
لؤلؤ: ما احنا كنا معاك لما اشتريتها
عبد الرحمن: نتفرج تاني
نديم يضحك: ماشي يا سيدي بس نأكل الاول
يروحوا ناحيه السفره و يبدوا اكل
نوح: قولتلي اسمه ايه الظابط
سراج: سيف اشرف الناجي
لؤلؤ تشرق و تفضل تكح
هديه تديها كوبايه مايه: اهدى
ماسه عماله تضحك
ليلي: كُلي علي مهلك يا لولي
لؤلؤ: أنا تمام
ماسه تضحك: بلاش فجع و كُلي عدل
نوح: المهم كمل يا سراج
سراج: هو هيبقي المأمور بتاع البلد
نوح: خلاص لما يوصل خليه يجي هنا اتعرف عليه و اشوفله مكان حلو يقعد فيه
ماسه تشرق و نديم يديها مايه
نوح: هو فيه ايه بتأكلوا كإنكوا جعانين من 100 سنه
نائل: سيبك منهم
نوح: امك فين يا سراج
سراج بتردد: هي راحت عند جدو
نوح: راحت و جايه ولا
سراج: ولا
نوح: ماشي براحتها...اخبار الأرض ايه
سراج: كل حاجه ماشيه تمام....صحيح بعت واحده من البهايم
نوح: خلاص خلي فلوسها ليك هديه مني ل نور
خلصوا اكل و كل واحد طلع اوضته
ماسه قاعده بتلعب مع قططتها فجأه لقت باب الاوضه بيفتح و لؤلؤ داخله و قفلته جامد
لؤلؤ: أنتي لو مفهمتنيش كل حاجه حالن هنزل اقولهم
ماسه تضحك: متقدريش اصلا
لؤلؤ: ماشي مش هقدر بس قولي
ماسه: مفيش يا ستي روحت البيت مع هايدي البيه واخد رصاصه في كتفه و اتجاز علي حاجه معملهاش بس ازاي أدهم بيه يتجاز و نقلوه هنا....بس
أنت تقرأ
غرباء في بيت العمده(مكتمله)
General Fiction🔴مش بعرف اكتب اللهجة الصعيدي نوح راجل صعيدي ابن العمده تمام حاليا ابوه اتنازل عن العموديه و بقي هو العمده متجوز بنت عمه نرجس من و هو عنده 18 سنه و مخلف منها سراج و سالم و هو عنده 25 سنه سافر القاهره لشغل و قعد فتره هناك اتعرف علي بنت اسمها ليلي و...
