غرباء في بيت العمده(مكتمله)

الفصل الثامن عشر

في بيت هايدي و هما قاعدين بيتكلموا تليفون ماسه يرن

ماسه: ألوو

ليلي: مش كفايه ولا ايه

ماسه تبتسم: ماشي انا هستني الاوبر

بعد ساعه كانت ماسه في المول و تقرب علي عليتها الي كانوا قاعدين في كافيه

ماسه: جيت

نديم يضحك: مشفتيش انتي و احنا بنقنع العمده يقعد في كافيه

لؤلؤ تضحك: لا و كمان خليناه هو الي يكلم الويتر و يطلب

نوح: كلمه تانيه لحد ما نرجع البلد مش عايز

ماسه تقعد جمب لؤلؤ: مش عايز تعوض استحمل

لؤلؤ تقرصها من تحت الترابيزه

ليلي: هايدي عامله ايه

ماسه: كويسه الحمد لله ارتاحت عن الاول

نائل: ياريت متكنيش نسيتي انك عامله عمليه كبيره و لسه مفكناش الغرز

ماسه تتصدم و تحط ايدها مكان الجرح و تحس بشويه دم

ماسه بتوتر: كنا قاعدين مكانا متحركناش اصلا هي تعبانه....أنا هروح الحمام تعالي معايا يا لولي

تقف و لؤلؤ تقف معاها

نوح: اجبلك تشربي حاجه

ماسه: اسموزي بلو بيري

تمشي مع لؤلؤ

نوح: علي فكره البنت دي متربتش...كلهم طلبوا حاجات سهله

نادر: ما احنا عارفين انها متربتش....بصراحه ماما عملت مجهود كبير معاها بس بدون فايده

نوح يبتسم: مش مشكله سيبوها....حد يطلب بقي البتاع الي هي عايزه ده و استروا عليا

نديم: ماشي يا عم العمده بس تزود كده المصروف

نوح يضحك: يا سيدي الي انت عايزه

في الحمام
ماسه ترفع البلوزه تلاقي فيه دم بس مش كتير بس الجرح بينزف

لؤلؤ: يا نهار أسود...أنتي عملتي ايه

ماسه: كنت بطلع جري علي السلم

لؤلؤ: هقولهم

ماسه: لالالا عبد الرحمن هيزعل و مش عايزه انكد عليهم

لؤلؤ بحده: جرحك فتح تاني

ماسه: حته صغيره هحط عليها مناديل و خلاص و مش هتبان من التيشيرت هو اسود

لؤلؤ: أنتي متأكده

ماسه: عمري قولتلك حاجه و طلعت غلط

لؤلؤ: كل حاجه