غرباء في بيت العمده(مكتمله)

الفصل السابع عشر

تاني يوم قدام الدار
نوح للمره الأولي مش لابس جلابيه

نوح: مش مرتاح

ليلي تضحك: شكلك حلو والله

العيال يخرجوا

نديم: ايه الشياكه دي يا سياده العمده

نوح: بص انا مش طايق نفسي

نادر يضحك: خلاص هسوق انا لتقتلنا علي الطريق

نوح يضحك: لا مش للدرجه

نادر: لالا سمعتك و أنتي بتقول رجلك وجعاك هسوق انا و نبدل انا و نائل و نديم

ماسه: لا نديم لا و الله أنزل في الطريق اعملكوا فضيحه

نديم: ليه يا ختي ماله نديم

ماسه: زي الزفت

عبد الرحمن يكشر: هتتخانقوا و أنا رايح اجيب هدوم

لؤلؤ: سيبك منهم هما كده علطول

نائل: أنا مش قولتلك بلاش لبس ضيق علشان الجرح

ماسه: يووووه مش واجعني الله

ليلي: خلاص خلاص اركبوا يلا

نادر يركب مكان السواق و نوح جمبه و الباقي وراء
في الطريق ماسه فجأه تسند رأسها علي كتف نديم

نديم بصوت واطي: مالك

ماسه بنفس النبره: الجرح واجعني

نديم: احسن علشان تبقي تسمعي الكلام و تلبس حاجه مش ماسكه علي الجسم

ماسه: تقريبا وجعاني من العربيه

نديم: اقول ل نادر يهدي السرعه

ماسه: لا خلينا نوصل

نديم يحاوطها بدراعه: طب نامي شويه علي ما نوصل

تغمض عنيها و تروح في النوم
بعد وقت نديم يصحيها

نديم: يلا يا سوسو احنا قربنا

ماسه تضربه: قولتلك متقليش سوسو دي

نديم: خلاص يا جدعان الجثه صحيت

ماسه تعدل نفسها: و الله لو مسكتك هضربك

نديم يحرك كتفه: منك لله وقفتيلي كتفي

ماسه تضربه

نائل: اهدوا بقي علشان هننزل اهو

نزلوا و نائل راح يركن العربيه و الكل دخل محل ملابس رجالي
ماسه تمسك قميص

عبد الرحمن: لالا وحش اووي...حاجه تانيه

ماسه تضحك: ماشي يا سيدي

بعد ساعتين ماسه تقرب من ابوها و امها

ماسه: ماما هروح ل هايدي