غرباء في بيت العمده(مكتمله)

الفصل السادس عشر

علي الضهر تكون ماسه داخله الدار ماسكه في نائل و لابسه جلابيه من بتوع هديه

نوح مبتسم: بيتك نور يا ماسه

ماسه: شكرا

ام يوسف تخرج جري من المطبخ

ام يوسف: حمدلله علي السلامه...نورتي بيتك يا ست هانم....طبخت ليكي كل الاكل الي العمده قال عليه

ماسه: كتر خيرك بس انا مش جعانه

سراج: بس لازم تأكلي علشان الدواء

ماسه: لو كلت هرجع بجد...أنا عايزه انام

ليلي: ماشي بس لما تصحي تاكلي

ماسه: حاضر

نائل: يلا تعالي اطلعك

عبد الرحمن: لما تصحي هوريكي الهدوم

ماسه تبتسم: ماشي

تطلع الاوضه و تنام علي السرير

نائل بتردد: عايز اقولك حاجه

ماسه: ايه

نائل: و أنتي متبنجه حكيتي ل سراج كل حاجه

ماسه: كملت ده الي ناقص

نائل: مش فاهم

ماسه تقعد: أنا عيطت امبارح و حكيت ل نوح كل حاجه...مقدرتش امسك نفسي و عيطت و كنت خايفه اوي ف غصب عني حضنته

نائل: و فيها ايه مش ده بابانا....و بعدين انتي مش كان نفسك تحضنيه

ماسه: مكنتش عايزه ابقي ضعيفه قدامه

نائل يمسك ايدها: يا حبيبتي انتي مش ضعيفه...الي عملتيه يثبت انك قويه

ماسه: أنت بتحبه

نائل: مش عارف...بس الاكيد مش بكرهو

ماسه: أنت مش معصب منه حتي انت و نادر و نديم

نائل: علشان احنا رجاله و فهمنا الي قاله....المهم سيبك من ده كله و نامي

ماسه تبص حواليها: دارك و فينكس فين

نائل: في اوضه لؤلؤ...لما ترتاحي هدخلهم

ماسه تنام: اوعي تكون وريت لسراج انا جايبه ايه لابنه

نائل يغطيها: لا تقلقي كله تحت السيطره...يلا نامي

يطفي النور و يخرج
بعد وقت طويل ماسه تصحي علي صوت عالي تحت
تنزل براحه تلاقي الكل بيتخانق
عبد الرحمن بيعيط و واضح ان حد حرق هدومه الجديده و لؤلؤ قاعده بتهديه
سراج واقف بين امه و ابوه الي بيزعقلها
و امها شفتها بتجيب دم و واضح عليها البهدلة و نائل و نديم و نادر واقفين حواليها
ماسه تقرب من عبد الرحمن