(انتهى الفلاش باك ) يوم ثاني ساعه 1 ظهرًا
———————————-
علي قعد من نوم باتصال من أمه
بصوت خشن رد: الو يمه؟
شيخه: هلا قعدتك من النوم بس اقولك تعال تحت تغدا وخالتك دانة تحت مع بنتها ياين غدا
رد علي هو فيه نوم :يلا أوك الحين أنزل
(للتوضيح خالات وخوال راحوا جمعية عشان يبون أغراض وأحفاد رايحين مروج)
نزل علي وسلم على دانة وزينة وبعد دقايق طاح الغدا وبدأوا يأكلون وشيخه دقت على منيرة :الو منيرة وينكم حطينا الغدا وللحين ماوصلتوا
منيرة: يلا شوي ويايين بس باقي الخضروات وني عادي تغدوا وبعدين أحنا نتغدا
شيخه: يلا تمام لله معاكم مع سلامه
منيرة:مع سلامه
يه اتصال حق زينه ردت زينه:الو هلا
لولو : اهلين يلا وينج أحنا بمروج
زينه : قعد أكل مع خالتي شيخه ويدتي ويدي
لولو :أذا خلصتي تعالي الجو حيل خيال
زينه : امم ما أدري ماعندي أحد يوديني بشوف اذا امي تقدر
لولو : اي شوفي بليزز تعاليي
زينه : يلا باي
لولو :باي
دانة أم زينه : هذي لولو؟
زينه: اي
دانة : شنو تبي
زينه : لا بس تبيني أطلع معاها اهي بمروج تقدرين توصليني ما أعرف أسوق سيارتج
دانة : لا والله حيل تعبانه أبي أنام العصر توني يايه من دوام
زينه : ماما بليز
دانة : مره ثانيه أعوضج إن شالله
زينه وهي شوي زعلانه : أوك
شيخه أم علي : اشفيج عادي أنا أوديها ولا أخلي علي يوديها
دانة : لا لا عادي ماله داعي
شيخه : علي يمه أنت مو بتطلع مع رفيجك عادي تودي زينه شهيد بتطلع مع بنات
علي : اي اوك عادي جذي ولا جذي أنا طالع مع ربعي
علي : خلصتي أكل ؟ نمشي؟
زينه: اي خلصت بس دقيقة أروح أيب جنطتي من صاله
علي : تمام خلاص أنطرج بسياره
بعد ثواني طلعت وركبت سياره معاه وحرك سيارة متجه لكافيه
وقال : تبين قهوه؟
ردت زينه : اي
علي : شنو تبين
زينه : بنزل وياك عشان باخذ حق بنات بعد
علي : تمام
نزلوا من سياره و صفوا دور ناطرين على ما ناس تخلص شوي كان زحمه
من بعيد كان في ولد قعد يطالع زينه بنضرات مو مريحه وقعد يراقبها
زينه : طلعت تلفونها ودقت على لولو تسألها شنو تبي قهوة وبنات بعد
قالت لها لولو أنهم بكافيه وناطرينها مايبون قهوة وقعدت زينه تطالع سناباتها وهي مو منتبه انه ولد خذا سنابها و صار دورهم وصكرت تلفون سألها علي شنو تبين قالت أبي ماتشا بس لاكتوز فري وطلب علي وسأله موظف كاش ولا كي نت قال كي نت وطلعت زينه كاش وعطت حق علي فلوس
علي : حق شنو؟
زينه : حق قهوة بعد شنو
علي : ما بينا أنتي مثل أختي صغيرة
زينه : مو بكيفك راح أخلي أمي تتفاهم معاك
ضحك علي ومشت معاه متجهين حق سيارة وفجاة هذاك ولد مر من صوب زينه وجتفها لمس جتف ولد وحست بشعور مو مريح وبسرعة وخرت وركبت على طول سيارة
علي : شفيج صاير شي ويهج أصفر
زينه : ها تكلمني؟
علي : أي شفيج؟
زينه : مافيني شي بس طلعت قطوة بويهي وشوي خفت
علي : أها
زينه وهي سرحانه بدريشة تطالع شارع وصلت لها إضافة من بنت أسمها نوف وقبلت لأنها تسوي ستريك مع بنات وجذي
وقعدت تسولف معها وتضحك ( أبيكم تذكرون هالبارت لأنه لين جدام بنحتاجه ) وصلوا وصفط علي سيارة وقالها تدلين ؟
زينه : لا ما أدل
علي : أوك تعالي أوصلج هم وين قاعدين اي كافية
زينه : جنه أناناس
علي : تمام
مشوا لين ما وصلوا عند كافيه وسلم عليهم وطلع
لولو : زينه تعالي قعدي يمي
زينه : يلا
لولو : ها قوليلي شنو صار بينكم😉 ؟
زينه : يو يا لولو حدج تكبرين مواضيع كلها أمي تعبانه من دوام وهو قطني عندكم مافي شي وأصلاً هو مثل أخوي
لولو : أنزين ترا ماقلت منو أنتي بروحج قلتي سالفه😂😂
زينه بانحراج : وليه رديتي على موضوع
.......
مر الوقت بليل ساعه 10:35 الكل رجع حق البيت اليد واليدة
وقعدوا يسولفون سوالف وأحفاد يلعبون وجذي
سارة : ما ودكم نحجز شاليه حق رأس السنة
خوال وخالات بصوت واحد : امبله يلا ندور
بعد ما دورو وحجزوا شوي شوي الكل قعد يصعد عشان تأخر الوقت
أنت تقرأ
للزمن رأي آخر
Randomسنه2020 تحديدًا قبل فايروس كوفيد 19 كانت في عائلة معروفة بإخلاقها الحلوه و راقية وأنيقة، كان الجد معروف بطيبته وحنانه على أولاده فقرر انه كل أولاده يعيشون عنده لأنه الفايروس قعد يصير أقوى وأخطر وافقوا عيالة وبعد مرور سنين لمن أنتهت الجائحه بدأت العا...
