#عقد الظفيرة
بقلمي/زنايــب جعفر
لاتنسون تصويت وتعليق بين فقره وفقره لطفا جميلاتي +تصاميمكم لحلوه وصلوا على محمد وال محمد🌸🩷
- قراءه ممتعه -
𓂃𓂃𓂃𓂃𓂃𓂃𓂃𓂃𓂃𓂃𓂃𓂃𓂃
{بگلب العمــــاره}
الساعه 9:36 دقيــقه الصباح
بسوك ويه صوت الطيور وناس لتحجي ولتبيع ولرايحه شغلها ولشايله هم ولفرحانه ولحجيات ليسولفن .
بوسط ذوله تركزنه على لحجيه لابسه عبايتها لازمه قمصله سوده تباوع عليها نزلتها خازرته
رمله_صدك تحجي بالف شدعوه
_ترا كلش زين سعره شبيج حجيه لو تشترين لو ترحين
رمله_چاي تغلط وياي وعلي اهد عليك بناتي خمستهن فاهم لو لا
جر قمصله منها فتحت حلكها
رمله_شوف شوف شلـون
_چا شتردين سعرها؟
رمله_خمسميه كلش كافيه
_اعذرينه
هزت ايدها شايله لعلاليك تمشي
وشافت تكسي
رمله_اوكككفف اوكفف،، يايمه تعبت تعال شيل لغراض ماتشوف تعبت بعد امك يلا يلا
نزل من سياره شايلهن وصعدت تغم برجال ابو لباله
رمله_اكلك يمه ماعندك تدفئه بارده ترا
_والله ماعندي
رمله_خلي عود، اهخخ يابنتي ردت اجيبلها قمصله بس هذا غلواني حيلل
مشت سياره وهي تأشرله مدليته على بيتهم
رمله_منا يمه شجاك متكلي اكلك يسار تروح يمين
_اعذريني حجيه
رمله_يلا اهون من ذاك هنا يمك يمك
طلعت جزدانها ورفعت عيونها تباوعله
رمله_بيش لكروه؟
_الفين
رمله_هاك خمسميه
_شسالفه حجيه !
رمله_على بختك يمه ماتشوف حالتنه ماتحس بلفقير
هز ايده ماشي وغمته داخله جوه تباوع هدوءءءء صاحت بصوت عالي
رمله_جننننااااان ... جاااه .. جليله ... جووري .. جميله لاصدك هاي صغيره بعدها ماتمشي يمعوداات وينجن
