فصليه الشيخ أبا الحسن

البارت 30

بقلم الكاتبه اساور علي
ليلي "
مر ثالث يوم على وفاه عمي وحور متخبله نكسر كلبي عليهة وليان خطيه معافتني ضلينه انضف اني وياهة وكل ساع اسمع حجي عليه ليان تردهن ليان عوفيهن هنا والله
-يمه يمه شوفي لسانهة لعرمه صدك يرادلج تربيه
ليلي/عفتهة مجاوبتهة شويه وزادني الفضول اعرفهة مني ليان هاي مني لقبل شويه كل ساع تسمعني حجايه
ليان/هاي ام اسماء فد حقيره وتنكط سم
ليلي/سبحان الله نفس الطبع
ليان/والله اروح افلش راسهة واكول لأبا الحسن عليهة
ليلي/لا لا الله عليج لاتحجين عوفيهن
ليان/اهوووً منج خلي اروح اشوف حور

ابا الحسن/زلم دتزيد وماتنقص وبس اني وموسى واكفين مرتضى كلساع يطلع وادخله خطيه حور وحدهة شفت موسى صافن هاا ابو الموس خيرك
موسى/والله تنصدم اذا اكلك
ابا الحسن/كول خويه كول هيه من تريد تلتلم تلتم خاف اني معايز جملهة حبيبي احجي خيرك
موسى/نوح طلعو من السجن
ابا الحسن/اي واذا بعد معلينه بي باوع عليه والدمعه واصله لطرف عينه وصايره حمره
موسى/يريد يشوف شمس
ابا الحسن/ضليت صافن هاا بعدين نحجي بهاي السالفه خلي نفض الزلم
موسى/مانطيهة لشمس لو تنكلب الارض على السماء لاتزعل مني اذا سويت شي
ابا الحسن/بس اسكت موسى بعدين نحجي اجتي مره موكلش جبيره لابسه عبايه واجتي سلمت واني رديت السلام منو انتي حضرتج
-امهة ام حور انه
موسى/هله وجايه شعندج لج انتي كسرتي بنتج ورجلج من وراج مات وحور مامسامحتج
ابا الحسن/فوك شينك كوات عينك عفتي ورحتي وهسه صار عزيز وبنتج لما الهة احد
-اريد اشوف بنتي حور يمه
ابا الحسن/وكفت بالشارع وكامت تعيط استحيت انوب الزلم ألتمت علينه دخلتهة للبيت وتصلت على مرتضى
مرتضى/يروحي كافي لاتبجين اهدئي لخاطره لان مايصير تبجين
حور/تعبت مرتضى تعبت
مرتضى/يروحي ميخالف موكتلج اخذج تشوفي بس اهدئي دك تليفوني شفته ابا الحسن ياستار
حور/منو
مرتضى/ابا الحسن الووو ها ابا الحسن شكو
ابا الحسن/ماكو شي يروحي بس اجتي ام حور تريد تشوفهة
مرتضى/وهسه يله تذكرت عدهة بنيه
حور/مرتضى شكووو
مرتضى/اي اي روح اني احلها يله سديت الخط وصاحتني
حور/مرتضى ماتحجي منو اجه
مرتضى/امج اجت تشوفج
حور/وهسه يله اتذكرت عدها بنيه من عافت ابوي وحده وراحت بنصاص الليالي الاهلهة الشرفاء ديله خلي يفيدوها كوم كوم
مرتضى/وين وين بس اوكفي
حور/طلعها من البيت
مرتضى/بس مايصير زلم بره عيب
حور/ماتعرف العيب هيه عفته وفتحت الباب و طلعت وهو يركض يريد يلزمني شفتهة بالاستقبال مرخصتكم كومي اطلعي بره
-بس اني امج
حور/اميييي اميييي لعافتني بنصاص الليالي وراحت الاهلهة الشرفاء وعافت رجلها مريض هاي تسمه أم ابوي متبري منج ومايريدج تحضرين عزاءه كومي اطلعي بررررره كوووووميييييي
مرتضى/حور كافي لزمتهة من ايدهة تريد تفلت من ايدي تروح تملخهة
حور /عوووووفنيييي مرتضىىىىىى عووووفنيييييي
-سامحيني يمه سامحيني
حور/مااسامحج وكون لا محاللة ولا ماهوبه ومتبريه منج منا ليوم الدين اني عندي ام وحده هيه ام الشيخ هيه روحي ماخلتني معتازه لحنانج كومييييي اطلعييييي بررررره كووووووميييييي
ام الشيخ/يمه فدوه الحلكج ياروحي انتي كومي روحي راح تنجلط من وراج
-انتي معليج اني وبنتي
حور/لجاوبييييببييييين تروحين فدوههههههه لنعالهة لتمشي بيي على الاقل معافت ولدهة وبنتهة مومثلج عفتيني ورحتي وابنج اجاني سكران واني حرت بأبوي يكولون بنيه ميصير تطلع بنص الليل واني كسرت القاعده وطلعت وديت ابوي للمستشفى لج همه صارولي سند لج ماخلوني اعتاز لاحد ناس غربه احسن من الاقارب وليلي من اخذتوها فصليه جانو معتبريهة مثل ليان وانتو الله يرحم وانتو ماترحمون البشر اطلعي بررره ماريد اشوفجججج
مرتضى/صوتج يابه
حور/كللهة تطلع او اني اكوم اطردهة بنفسي
مرتضى/كومي روحي لبيتج وبعد لاتجين يكون احسن
ليلي/الله لايوفقج دنيا وآخره
-ليلي
ليلي/اي ليلي لجنتي تحبسيهة بالغرفه الفوك وتكتليهة ودزين مسلم يتحرش بيه وهو سكران شنو من عائله انتو والله بس عمي لربح وكسب جزاه رب العالمين وسامح وعاف ولتجئ لرب العباد وانتي ضلي روحي يم اهلج راح يفيدوج
مرتضى/ضلت ادردم وطلعت بره دخل ابا الحسن يباوع علينه اجه حجه وياي
ابا الحسن/هاي شكو
مرتضى/لعبن طوبه بنات اركان بيهة طاحن بيها وطردنهة
ابا الحسن/والله ياريتهن بعد عيني تستاهل حيييل
مرتضى/ماكو شي خويه روح
ابا الحسن/ليله بيها شي
مرتضى/شويه تلاغت هيه وام اسماء ترد حجي عليهة وزادتهة ام حور بس مرتك كويه ماتنطي مجال وام اسماء تحجي وهيه مطنشه الدنيا وراهة
ابا الحسن/ليلتي هاي
مرتضى/حوري هاي لاتغيرني تره اني هم عندي مره
ابا الحسن/هههههه يروحي دمشي اخذهة للغرفه خلي ترتاح
مرتضى/دخليهة تتنفس شنو هيه كل ساع غرفه غرفه شسوي بالغرفه دعوفهة
ابا الحسن/على كيفك سيد مرتضى بكيفك بس اني خايف عليهة خاف تتخبل اذا شافت الملايه تنعي
مرتضى/خليها ابا الحسن تفرغ لبداخلهة
ابا الحسن/دير بالك عليهة اني طالع
مرتضى/ليلي عينج عليهة روحي يمها
ليلي/ماعوفها والله لتخاف رحت يمها تبجي واني امسد على شعرهة كافي يروحي الله يصبرج خلي يرتاح تعذب هواييي
حور/ولج بويه هذا بويه ليش عفتتتتتتنيييييي ليش يتمتنيي ليش بابا خليتني وحيده ليش ماخذتني وياك
ليلي/مرتضى ماتحمل دخل بين النسوان يواسي بيها وعيون النسوان كلها عليهم خفت لينحسدون مرتضى اخذهة للغرفه اخذهة بالكوه وهيه تبجي وتملخ بروحه
حور /عووفني مرتضى ليش ماتعوفني كلها عافتني عوفني معليك بيه ضليت اضرب بي وخرر عوفني
مرتضى/بس اهدئي يروحي والله ماعوفج لو كلها تعوفج واني اضل مجلب بيج وماعوفج ضلت اضرب على صدري تريدني اعوفهة وماعفتهة لزمت ايديهة وحضنتهة شويه واحس انفاسهة تصعد وتنزل عرفتهة نامت على صدري خليتهة على المخده وغطيتهة وضليت صافن على معاني وجهة شكد بريئه معقوله هاي اخت مسلم والله احبج بس من كسرتي كلبي وكتيلي اني ماحبك لاخليتي حاجز بينه المهم عفتهة وطلعت يم الزلم واني بالي يمها اجه ابا الحسن ودخلني كل مايشوفني برره يدخلني جووه استسلمت ورحت للغرفه نمت على الجربايه بس بعيد عنها واباوع على وجهه والنومه هيه نومه مادريت بروحي الا من شفتهة حضنتني ودفنت راسهة بركبتي احس جسمي كزبر
حور/اممم لاتعوفني مرتضى اني اخاف وخايفه منهم كلهم
مرتضى/لاتخافين وحك الي خلق هاي عيونج ماخلي احد يأذيج نامي يروحي وبعد ماسمعتلهة نفس نمت على نومتهة ونفاسهة صايره بوجهي

ليان/دخلت للمطبخ لكيت موسى صافن بس شافني ارتبك شبيك موسى
موسى/مابيه شي ليان
ليان/اممم ماعرفك اني عايشه وياك عمر
موسى/ليان نوح
ليان/بس جاب طاري اسمهة ماعرف شصار بيه اختل توازني
موسى/علكيفج شبيج ليان
ليان/لزمني من ايدي واني كتله رراح ياخذهة مني موسى والله العظيم
موسى/يحلم يشوف شعره من شعرهة هاي بنتي مو بنته اني لربيتهة
ليان/موسى شمس والله ماكدر بدونها
موسى/ماخلي يشوفها شبيج ليان
ليان/هاا
موسى/اذا اسوي شي لاتزعلين مني كله لمصلحتج ردت اطلع ولزمته اوكفف شراح تسوي موسى لا تتقارش وياه يأذيك
موسى/دخل يجي اذا مااشرب من دمه والشي لراح اسوي بعدين تعرفين
ليان/تخوف شغلتك
موسى/ابد والله اجتي شمس
شمس/باباااااااا هبيبي
موسى/شلتهة يروح ابوج بستهة وشفت ليان تباوع عليها غمزتلهة افتهمت هاا شمسي يروحي
شمس/خلي ألوح وياس
موسى/بس اني مرايح للبيت ماكدر اعوف خوالج واروح
شمس/ماتي (ماشي)امحححح
موسى/يمه ترد روحي من تبوسيني افيشش
ليان/ماما شلعتي خده
موسى/تغارين عوفيهة اني عاجبني
ليان/موصوجك والله صوجي اني
موسى/بعد روحي اشاقه ويه بنت الشيخ
شمس/بابا لاح ألوح يم سديكتي (راح اروح يم صديقتي)
موسى/روحي بابا نزلته من حضني وراحت شفت ليان دمعت عيونهة وكفت مقابيلهة مسحت طرف دمعتها وداعت هاي العيون محد ياخذ شمس منج ولا يكدر يشوف شعره منهة
ليان/نوح ماتعرفه بكدي موسى اذا راد شي ينفذه
موسى/نشوف منو ينفذ حك الثاني نحنه على كبره انشاءالله ماضل شي ويموت
ليان/هاا والله
موسى/شبيج اشاقه
ليلي/احممم
ليان/ومرض
موسى/خطيه بيش طالبتهة
ليلي/اي والله اني فقيره بس هيه تعيل بيه
موسى/حكج والله
ليان/لا والله اثنينكم صرتو عليه ليل الخاينه
ليلي/اني اخونج ريت العمر لاطال
موسى/طار لو كصر هههه
ليان/اجه ابا الحسن وكام يعيط
ابا الحسن/موسى صدك تحجي العالم انكلبت وانته دتشاقه وتضحك وينه وين الضحك
موسى/اسفين شيخنه آسفين صاير ماتتحاجه راح اطلع
ليان/راح اروح اجيب الكلاصات المي من النسوان
ليلي/ضلينه وحدنه اني وابا الحسن ردت اطلع وجرني من ايدي
ابا الحسن/وين شارده
ليلي/مشارده بس اريد اروح اشوف ليان
ابا الحسن/عوفي ليان لج مشتاقلج اني
ليلي/هااا
ابا الحسن/وعلااا
ليلي/اني هم مشتاقتلك بس عيب لايجي احد ويشوفنه
ابا الحسن/وشمسوي قابل مرتي وبكيفي جريتهة عليه وهيه صارت حمره مو الخجل
موسى/احممم عصافير الحب
ليلي/اثنينه فزينه
ابا الحسن/وسممم ومرض دك الخرره بعينك
موسى/آسف بس يردوك حرامات كطعت احلى شي منكم خزرني وطلعت شكد حلوين اثنينهم اللهم ارزقني حب ليان واجمعني بيها من نصيبك يالهي
ليلي /ضليت صافنه شكد خجلت من موسى عيب اجتي ليان وسولفتلهة
ليان/عزززه طلع سرسري موسى
ليلي/لا حرام اجه يريد يصيح ابا الحسن يردوه بره وشاف موبقصده ضلت تغمز
ليان/والله حلوين الله يحفظكم
ليلي/وانتي هم الله يجمعج بموسى وتتزوجون انشاءالله يارب 🤲
ليان/ولج عزززه انفضحنه لا يجي ويسمع عيبببب صدك تحجين اني وياه مجرد اخوان متربين سوه
ليلي/اي صدكت ولج والله يناسبج
ليان/سدي الموضوع ليل وكت سيره زواج
الله واكبر الله واكبر
الحمدلله الحمدلله
سبحان الله سبحان الله
عمًا يتساءلون عن النبا العظيم