يمرّ الزمن كخيط دخان،
يترك أثره ثم يتلاشى.
والخيانة؟
تأتي بلا مقدّمة،
كظلّ باردٍ في نهارٍ مطمئن.
كل شيء يبدو حقيقيًا… حتى يسقط القناع.
.............
جود - وكفت كبال المراية واني ادقق بتفاصيلي بوجهي بشعري ، مسحت على لحيتي
ولبست الساعة وسواري الفضي اللي مااستغنى عنه هو
والسلسلة الموجودة بركبتي
الله عليك ياجود
تخبل
منو مثلك
نزلت ولكيت ام حيدر تحضر بالاكل
صباح الخير خالة ام حيدر
ام حيدر - سمعت صوت والتفتت ولكيت جود ينزل من الدرج و مثل كل مرة يكمز مايمشي مثل الناس
ياصبح خالة الساعة ب2 الضهر وبعدين شكو ماتنزل مثل البشر لاتوكع وتنكسر
جود - لا تخافين عليا بس كوليلي
هسة اني اتريك لو اتغدة 🤔
ام حيدر - ههههههه....بكيفك
جود - كعدت ومثل كل يوم اكل بدون نفس بيت شكبره بس احسه يخنكني
اكول خالة بابا مااجة
ام حيدر - لاخالة مااجة
جود - ههه والله ياابو الجود عايش بالعسل هسة
لعد زمن وين؟
ام حيدر - فوك بغرفتهة
اكول خالة شكلك يخبل بس كون هاي الغيمة اللي على ملامحك توخرهة....
جود -اقتربت ام حيدر مني وخربطت شعري
لعد وخري لا امطر عليج هههههه
ام حيدر - ههههه فدوة لضحكتك شوف الضحكة شلون لايكتلك
جود - يمكن جانت ام حيدر اكثر وحدة قريبة عليا والوحيدة اللي ارتاح من اسولف وياها شربت الجاي ودك موبايلي
اكيد هذا سلوان العااارر
شلونك ياحمارررر....
انجب
ههههههه
لعد انتة شنووو غير حمااار هااااا وين تريدون تروحون اوك
اي اكيد اجي
والبنات هم يجن؟؟؟
اكول ماكو وجوه جديدة منا منا 😉
ههههههه اوك ...
يلة عود هناك نتلاكة
سديت الخط وطلعت...
ركبت سيارتي وشغلت المسجل اعلى شي مااريد اسمع اي صوت ثاني
ومثل كل يوم شريط حياتي انعاد كدامي وصوت ذكرياتي يتردد ببالي
*****
امل -والله اليوم اموتك
جود- ماما والله مامسوي شي هية انكسرت مو اني كسرتها
امل - ولاتكول ماما بعد
شوف هاي السجينة شلون حادة
والله اكطع اذاناتك بيهة
جود - بوكتهة جنت زغير ومو فاهم شي خفت منها وحطيت ايدي على اذاني
اي اي.... ماكول ماما بعد
بسسس شكووول
امل - لاتحاجيني اصلا وحتى من يجي ابوك صوتك مااسمعه فهمت لو اجرب السجينة
جود - اي والله مااحجي
سديت ايدي بحلكي وعيوني فاتحهن اريد استوعب الجاي يصير
أنت تقرأ
قلب مُغتَصب
Romanceفي زمنٍ تتوارى فيه القيم خلف أقنعة المصالح، وتصبح القلوب مسرحًا لصراعات غير مرئية، يُولد الحب في أكثر الأماكن عتمةً... وعلى حين غفلة. هو شابٌ مغرور، مشاكس، لا يؤمن بالحب ولا يثق بأي امرأة. جروحه القديمة جعلت من قلبه قلعةً حصينة، ومن لسانه سيفًا لا ي...
