في المستشفي
ليلي نامت علي الكنبه و نوح غطاها و فضل قاعد جمب السرير علي الكرسي
فجأه ماسه تإن و نوح ينتفض من مكانه و يقرب منها يمسح علي رأسها
نوح: مالك يا روحي حاسه بإيه
ماسه بغمضة و تقول بصوت واطي: ماما
نوح: ماما تعبانه و نايمه...بس انا هنا اهو
ماسه تفتح عينها و تبصله: عطشانه
نوح: حاضر
يجيب كوبايه مايه يلاقيها بتحاول تقعد يسيب الكوبايه و يسندها و يحط مخدات وراء ضهرها و يديها كوبايه المايه تمد اديها علشان تاخدها بس ايدها كانت بترتعش ياخد الكوبايه و يشربها
بعد ما شربها
نوح: محتاجه حاجه تانيه
ماسه: ليه
نوح: ليه ايه
ماسه: ليه اخترت الفلوس و مخترتناش
نوح يقعد جمبها علي السرير: أنا مخترتش الفلوس...بس لو ابويا كان طردني كنت هصرف عليكي منين انتي و اخواتك....سبع عيال و زوجتين اجيب منين...و الله كنتوا هتكرهوني
ماسه: يعني مش بنكرهك دلوقتي
نوح بحزن: يمكن بس ليا فرصه احاول...الراجل لما بيكسر من ناحيه الفلوس قدام ولاده بيكرهوه و هنا مش بيبقي ليه فرصه....أنا لو كنت فضلت مكنتش هلاقي ابسط حاجه اجيبها ليكوا
ماسه تنزل رأسها و تبص لإيديها: مش قادره...مش قادره اسامحك....كنت محتاجك
نوح: و الله العظيم ما اعرف انك اتخطفتي ماما ما قلتش حاجه
ماسه تبصله و تتنفس بسرعه: مين...مين قالك
نوح: نادر
ماسه عنيها تدمع لأول مره من سنين: مش بس كده حصلي حاجه كنت محتاجه حضنك و تحميني
نوح: حصل ايه...أنا هنا دلوقتي
ماسه: بعد 13 سنه....أنا عايزه انام
نوح يقف و هي تمدد علي السرير و تديه ضهرها
هو يغطيها و يوطي عليها يبوس رأسها
نوح بصوت واطي: أنا آسف
نوح يرجع يقعد علي الكرسي و ماسه مغمضه دموعها بتنزل و مش عارفه توقفها و بعدين تقوم تقعد
ماسه بتعيط: أنا مش عارفه ابطل عياط و هو هيجي هو قالي اني لو عيط هيجي و أنا خايفه
نوح يقرب بسرعه و يقعد جنبها: في ايه يا ماسه
ماسه بتعيط: هو هيجي أنا خايفه
نوح: محدش هيجي......والله
ماسه بتعيط: أنا معيطتش من 13 سنه علشان خايفه منه
أنت تقرأ
غرباء في بيت العمده(مكتمله)
General Fiction🔴مش بعرف اكتب اللهجة الصعيدي نوح راجل صعيدي ابن العمده تمام حاليا ابوه اتنازل عن العموديه و بقي هو العمده متجوز بنت عمه نرجس من و هو عنده 18 سنه و مخلف منها سراج و سالم و هو عنده 25 سنه سافر القاهره لشغل و قعد فتره هناك اتعرف علي بنت اسمها ليلي و...
