نوح وصل البلد بس الكل يستغرب انه مش ماشي في طريق البيت
نائل: أعتقد ده طريق المستشفي انا فاكره لما روحت مع سراج
نوح: هو
ليلي: فيه حاجه يا نوح....سراج قالك ايه
نوح يوقف العربيه قدام المستشفي: ماسه جوه...داخل سيخ حديد في جمبها
الكل يتصدم
التؤام ينزل بسرعه من العربيه
عبد الرحمن بتوتر: ماسه بتموت
نوح: لا يا حبيبي
ليلي بتعيط: بنتي يا نوح....مش قادره انزل اشوفها اعصابي سايبه
نوح ينزل من العربيه و يروح الجهه بتاعت ليلي يسندها و هي بتعيط و عبد الرحمن ينزل يمسك في ابوه
جوه نادر بيسأل علي الاوضه و بعدين يجروا لما يعرفوا الاوضه و يدخلوا بسرعه و سراج يتخض
لؤلؤ بتعيط: ايه الي حصل
سراج يقف: هي كويسه...حتي فاقت و كلمتني و رجعت نامت من البنج
نائل يقرب و دموع في عينه و يمسح علي رأسها
نائل: يا روحي انا آسف إني روحت و سبتك...بس انا هنا اهو
نديم يقرب و يبوس ايدها
نادر: ايه الي حصل
سراج: كانت بتجري من الجاموسه كانت هايجه و السيخ دخل في جمبها
نديم يضحك غصب عنه: حتي الجاموسه راحه تتخانقي معاها
سراج يقرب من لؤلؤ: لولي متخفيش هي بقت كويسه...حتي صحيت و قعدت تقول الجاموسه هبله
لؤلؤ: هي الي هبله ايه الي خلاها تروح هناك لوحدها
ليلي توصل و تجري علي السرير
ليلي تعيط و تحضن ماسه: يا روحي ايه الي حصلك يا بنتي
سراج: هي كويسه يا مرات ابويا حتي فاقت و اتكلمت
نوح يحط يده علي كتف ابنه: متزعلش لما عصبت عليكي
سراج: مش زعلان المهم أنها كويسه_يبص ناحيه نائل_نائل تعال بره عايزك
سراج يخرج و نائل وراه
نائل: فيه حاجه وحشه
سراج: هي حكت حاجه حصلت لما اتخطفت
نائل يبص له بصدمه
نائل: هي قالتلك
سراج: كانت تحت تأثير البنج....هو حقيقي الي حصل
نائل بحزن: اه...هي حكت ليا و احنا عندنا 14 سنه يعني بعد سبع سنين..هي علشان كده متأثره اوي من بابا
أنت تقرأ
غرباء في بيت العمده(مكتمله)
General Fiction🔴مش بعرف اكتب اللهجة الصعيدي نوح راجل صعيدي ابن العمده تمام حاليا ابوه اتنازل عن العموديه و بقي هو العمده متجوز بنت عمه نرجس من و هو عنده 18 سنه و مخلف منها سراج و سالم و هو عنده 25 سنه سافر القاهره لشغل و قعد فتره هناك اتعرف علي بنت اسمها ليلي و...
