وصفة الحب

XXXXVIII

            -فوسط واحد الصالة مغربية الطبلة عامرة والصينية دأتاي محطوطة.....كانوا محتتين وضاحكين بيناتهم

سلمى(كتضحك):واهانتي ليك على فاطنة ولات باغاك لرويحة

مريم(ضرباتها لكتفها):وامروان الزمر مرواان

سلمى(كتشرب أتاي):واهداااي عليا راه خاصني الوقت باش نعيط ليه مروان...واشووف سبحان الله شحال وهو تابعك ياله كتاب قلبك يحن لييه

فاطنة(كتدوز باللوز):المكتااب أسلمى المكتااب ياله يعرفوا بحق بعضياتهم

سلمى(بدات تتغبن):هاء هاء.....شنو دابا العفريتة غادي تتزوجي

مريم(كتمسح ليها دموعها):هاويلي منيتك كيف درتي لهاد الدموع حتى نزلوا دغياا

فاطنة(كتضحك):هههه غير الحمالة هاديك

سلمى(حابسة بكيتها):ولاهيلا بصح

-قاطعهم صوت تيليفون فاطنة اللي كان كيصوني

فاطنة:ألو.....لا بيخير هاهي معايا.....دابا....واخا واخا هاحنا غادي ننزلوا....ياله

سلمى(قاطبة حجبانها):أفين غادي تنزلوا

فاطنة(كتخشي التيليفون فصاكها):مروان هو اللي صونا وغادي نمشيو نشوفوا الدار

مريم(باستغراب):على لقاها بعدا؟؟

فاطنة(ناضت من بلاصتها):واقيلا نمشيو ونشوفوا....ياله خليناك على خير أسلمى

مريم(ناضت):تهلاي فراسك وفالوليدات ههه وسلمي على خالتي سميرة وياسمين

سلمى(تبعاتهم للباب):مبلاغ فاش غادي يجيو غادي نجيو عندكم

فاطنة(كتلبس صباطها):مرحبا بيكم بلا مانقولها راه الدار داركم

مريم(عنقات سلمى):ردي البال لراسك

سلمى(كارزة عليها):حتى نتي وباش مكان علميني

مريم(خرجات تابعة فاطنة):صافي واخا...مواااح

                   ________________

-نزلات فاطنة ومريم،بان ليهم مروان واقف حدا طوموبيلتو غير شافهم ابتاسم وتقدم عندهم

مروان(كيشوف مريم بابتسامة):لباس عليك؟؟جاك شعرك زوين

مريم(حشمانة):احم احم بيخير نتا لباس؟

مروان(شد يد مُّو):أنا عااد وليت لباس....زيدوا زيدوا راه شريت الدار

فاطنة(دارت عندو بسرعة):كيفاش؟؟اش هاد الزربة

مريم(مصدومة):داوي بصح؟؟

مروان(مبتاسم):أه بصح لقيت داكشي اللي باغي وصافي تفاهمنا مع السيد وغدا إن شاء الله غادي نتكاتبوا