غرباء في بيت العمده(مكتمله)

الفصل الثالث عشر

في القاهره كانوا وصلوا و صلوا الجمعه و في المول

عبد الرحمن فرحان و بيضحك: كل حاجه كبيره هنا....و في نور كتير

نادر: عبد الرحمن تعالي امشي هنا جمبنا

عبد الرحمن: يووووه ما انا قدامكم اهو

نوح بصوت واطي ل ليلي: مالهم العيال

ليلي: مش عارفه

فجأه لؤلؤ تعيط
و الكل يقرب منها

عبد الرحمن: خلاص خلاص انا هقف هنا...بتعيطي ليه

ليلي: يا روحي مالك

لؤلؤ بتعيط: قلبي واجعني و بتصل علي ماسه مش بترد

التلت ولاد يبصوا لبعض

نائل متوتر: ممكن تكون نايمه او قاعده تحت و تليفونها فوق

نديم بصوت واطي لاخواته: أنا قلبي واجعني انا كمان

نادر بحده و صوت واطي: كلنا قلبنا واجعنا بس اسكت دلوقتي

نوح يحط ايده بتردد علي ضهر لؤلؤ: تحبي نرجع

عبد الرحمن بزعل: و هدومي

لؤلؤ ترفع راسها: لا ممكن اكون انا الي متوتره و خلاص خلينا نشتري حاجه بودي

نوح يطبطب عليها و هي تمسح دموعها و تروح تمشي جمب نادر و دخلوا محل ملابس رجاليه
في البلد ماسه لسه مخرجتش من العمليات من تلت ساعات سراج شويه يقعد و شويه يفضل يمشي قدام العمليات

سراج: يا رب انا اتعودت عليها و علي صوتها الاسبوع ده متخدهاش مني....بلاش علشان خاطري....بابا اتحرم منها عشرين سنه مشفهاش غير اسبوع مينفعش يتحرم منها للأبد هيجراله حاجه....يا رب

الدكتور يخرج و سراج يجري عليه

سراج: طمني

الدكتور: الجرح كان عميق جدا الكبد اتجرح بس مفيش خطر الحمد الله...بس ممكن يحصلها صدمه تسمميه بسبب وجود بكتيريا...اكيد السيخ كان مصدئ

سراج: ايه الصدمه التسمميه دي

الدكتور: بتبقي بكتيريا مسممه بتدخل الجسم و تبدأ تفرز السموم و الجهاز المناعي يرد بقوه و عنف علشان يمنع انتشار السموم دي و ده ممكن يأثر علي باقي الأعضاء الحيويه في الجسم احنا ادناها مضادات حيويه قويه في الوريد و خير ان شاء الله....هي متأخرتش علي الوصول

سراج: ممكن اشوفها

الدكتور: هي في الاوضه بس مش هتفوق من البنج قبل تلت اربع ساعات

سراج: تمام....شكرا يا دكتور

الدكتور يمشي و سراج يروح قدام اوضته اخته يلاقي الممرضه خارجه