فصليه الشيخ أبا الحسن

البارت 28

بقلم الكاتبه اساور علي
موسى/ليان يله حضري روحج
ليان/وين
موسى/نطلع نفتر شويه لان شمس ماطالعه صارله هواي ومتقبل الا انتي وياها
شمس/اي اي ماما
ليان/اي يروحي شلون اعوف بيبي واطلع
حبيبه/عمه روحي ماعليه شي اني
ليان/لا عمه لااا
موسى/يابه دمشي هسه راح ناكلج
شمس/ماما هبابه ماما عليج اله (الله)
ليان/شفتهة تكمز تمام ماما تمام يله بس ابدل
موسى/يلا على راحتج
ليان:رحت لبست بنطرون وبدي اسود وفوكاهن صايه ولبست شال وخليت ماسكاره وحمره خفيفه ونزلت اخذت لشمس خاولي اخاف ادمر روحه ونزلت
موسى/ضليت صافن عليهة وعلى لبسهة هااي شنو ليان
ليان/شكوو شبيك
موسى/شنو هذا لبسج
ليان/مابي شي
موسى/انتي مقتنعة بي يمه هذا لبس انتي قيمي شنو اني كرن واخليج تطلعين هيج
حبيبه/اي عمه شويه انتي محترمه ومحتشمه ميليق بيج هيج لبس
ليان/آسفه اذا لبست ثوب مايعجبكم صار هسه اروح انزعه وألبس غيره
موسى/معدله انتي على اخوج لحلو
ليان/فديته اخوي يله هسه ثواني هز راسه واني صعدت لبست نفنوف وردي محتشم وغيرت الشال لبست لون اوفوايت كسرت اللون طلع فد شي عليه نزلت
حبيبه/هسه حلوو
موسى/بكلبي اكول وين اضمج بعد فديت الجمال اني باوعت على شمس شفتهة لابسه بنطرون قصير كابوي وتشيرت لونه ابيض ومطعم بسمائي وين اضمج بعد  لج شنو هلجمال
شمس/اته (انته)هم هلووو (حلووو)
موسى/يله
شمس/أله (يله)
ليان/لج شنو انتي ماما عسل
موسى/شالهة ورحنه للسياره وضلينه نمشي كسرت قاعده السكوت شمس من كالت
شمس/بابا اين لاح انلوح (وين راح انروح)
موسى/بكيفكم وين تردونه انروح انتي ليان القرار هم ألج
ليان/بكيف شمس
موسى/لاء شمس اخذهة للمكان ليعجبهة وانتي هم للمكان ليعجبج
ليان/امممم والله مادري
موسى/ماكو مادري فكري
ليان/انته هم فكر وياي
موسى/امممم نروح لمدينه الالعاب
شمس/اييييييي
ليان/يله تمام انروح مادام انته ختاريت
موسى/يله انروح
شمس/بابا
موسى/عيونه
شمس/انته اميري واني بنتك الصغيره وماما الاميره
ليان/انلصمت ماعرف شحجي بعد بس شفتهة لايصه روحه بالكاكاوو ماما ليش تاكلين واحنه بعدنه مواصلين طلعت خاولي تعالي يمي خلي امسح حلكج
موسى/اتمنى تحسين بيه ياليان ادري بيج جاي تخجلين من الحجي وطفرين شمسي باجر اوديكم لأبا الحسن يريدكم مشتاقلج
شمس/لاااااا
ليان/كافي شمس شنو هيه خلي انروح
شمس/ماتي (ماشي)بس تودعني (توعدني)تجيني وماتيفني (وماتعوفني)
موسى/اني اعوفج انشاءالله اموو**ردت احجي وخلت ايدهة الترفه على حلكي
شمس/اححححح بابا سمله لاتهجي هيث (بابا سمالله لاتحجي هيج)
ليان/سمالله بيش طالب روحك
موسى/يله انزلو
ليان/نزلنه اني وموسى اباوع على شمس كلبي وكف احس انلصمت لصم وايدي متتحرك بس عطت شمسسسسسسسسس واني اباوع منضرهة كدامي
موسى/شمسسسسس اجتي سياره مناك طايره احس روحي يبست ماعرف شلون جريتهة من الموت وصرت اني بوجه السياره نشخطت رجلي بس خفيف شمسي بيج شي ضليت اكلب بيها وليان مصدومه اكثر من شمس
ليان/يمه بنتي يمه شموستي يروحي رحت حضنتهة ماعندي غيرج يروحي
موسى/ليش تنزلين شمس جان هسه رحتي من ايدينه انزلي وياي من انزل اني اخخخ كلبي
ليان/يمه شبيك موسى
موسى/مابيه شي بس من وراهة كلبي احسه وكع
شمس/ماما بابا اثفه (اسفه)بعد ماايدهة(ماعيدهة)
ليان/يمه ايدي يبست من وراج
موسى/يله كافي الي صار صار
ليان/شبيهة رجلك
موسى/مابيهة شي بس مجرد شخط
ليان/موسى امشي نرجع والله كمت اخاف
موسى/لا منرجع شمسي تريد تتونس لاتخافين ليان اني موجود بس اذا تسوي شمسي هيج بعد ماحجي وياهة
شمس/لا بابا اثفه
موسى/اجتني باستني بخدي وراحت لأمهة باستهة ايدهة ترجف باست ايدهة وليان باستهة من بخدهة واني اباوع عليهن هسه لو ذني ملكي والله لدللهن
موسى/يله ليان
ليان/دخلنه لمدينه الالعاب وشمس مشايفه راحت على  ديلاب الهوه لزمت ايد موسى
شمس/بابا بابا خلي نسعد (نصعد)بهذا ليدلاب هوه (ديلاب هوه)
موسى/هههههه شسمه
ليان:متعرف تلفضه
موسى/تدللين يروحي اشلعلج عيوني يله ليان
ليان/لايمه اخاف منه
شمس/ماما لاتحافين هلو كلس (ماما لاتخافين حلو كلش)
ليان/يمه لازم مجربه اللعبه
موسى/هسه امشي نصعد لاتصيرين جبانه شوفي شمس قويه مثلي
ليان/ماكدر شمس جبرتني وصعدنه ثلاثتنه انوب صارت قويه وذوله يضحكون وشمس خربانه من الضحك على موسى طالعه بكلشي ماتخاف واني اذا يدوروني قطره دم بجسمي ميلكون بيه مدري لاارادياً لزمت ايد موسى وخليت راسي على صدره واعيططط
نزلونيييييييييييي يمهههههعه راححححح اموورووت
موسى/من حضنتني اشرت للولد يزيدهة سرعه علمود اتضل هيج حاضنتني احس كلبي انتعش وشمس اختنكت لان مخلينهة بالنص وليان حاضنتني وتباوع علينه شمس يله ننزل كافي ماما راح تتخربط
موسى/اشرت للولد يطفيهة طفاهة
ليان/من طفاهة رتاحيت بس بنفس الوقت استحيت من موسى لان حاضنته وشمس تباوع علينه اءءاسفه موسى بس هذا مايطفيهة اللوكي
موسى/لجج هسس صوتج عالي مشينه واني شايل شمس واحسهة داخت ليان تخاف من الاماكن المرتفعه من جانت صغيره شمس حبيبي اكعدو هنا راح اجيبلكم عصير وارجع اكعدي ليان
ليان/كعدت واحس الدنيا تمشي بيه خطيت راسي على المصطبه وشمس يمي
شمس/ماما بيس سي(بيج شي)
ليان/لا امي مابيه شي اجه موسى وقدملي عصير
موسى/ليان ارفعي راسج هيج ضغطج يهبط واشربي هذا العصير
شمس/ماما انتي ليس جبانه(ليش جبانه)
موسى/كلش من جانت صغيره تخاف من الاماكن المرتفعة
ليان/صبغت وشيعتي كدام بنتي شكول عليك يبوو الموس
موسى/حجيت الصحيح قابل جذبت 😂
ليان/شويه احس روحي صحصحت
موسى/ها ليان شلون صرتي
ليان/لا الحمدلله
موسى/التوبه بعد اذا اخليج تصعدين بس اني وشمسي نصعد
ليان/ضليت كاعده على المصطبات واشوفهم ركبو من لعبه لعبه ركبو بهاي سياقه السيارات والمرجوحه مال الاطفال صعد شمس بيها وماخلو لعبه ماصعدوها انتبهت على واحد يباوعلي ماهتميت عفته وضليت اسوي روحي جاي ألعب بالجنطه كام يلحكني رحت تمشيت يم اللعبه مالتهم اجه وكف يمي اباوع لموسى انتبه عليه ضليت اروح واجي لما خلصت لعبتهم نزل موسى شايل شمس ويمشي بعصبيه
موسى/هل كلب شيسوي يفتر يمج احجييي لتخبليني
ليان/ماعرف جنت كاعده وانتبهت يباوع عليه كمت اجيت يم السياج مال اللعبه ولحكني
موسى/ألزمي شمس واني هسه جاي
ليان/موسى بداعتي لا تسوي مشاكل
موسى/هديني لياني جريت روحي منهة ورحت هيي انته شعندك ويه مرتي
-مرتك
موسى/اي مرتي وشفتك عينك عليه وبس تلحك بيها شسالفه اثكلو شويه
-اسف يروحي اذا قصدت شي مايعجبك بس والله العظيم عيوني راحت عليهة بالغلط صح حلوه وهاي اخيتي والله يحفظها ألك واني كمت اشوف مرتي وابني اني تره هم مزوج وعندي جهال
موسى/اووو عمي اني الاسف موو شفتك تباوع عليهة قصدت غير شي اسف عمي مرخصتك
ليان/يبووو هذا ابوج اتأخر
-مبين تحبها حيل
موسى/اي كلش
-الله يحفضهة ألك
موسى/شكله هو احنه زواج مامزوجين بالحقيقه
ليان/اهووو وين صرت ضربته شني
موسى/لا ستغفرالله طلع سوء تفاهم واني شكيت بي طلع مزوج وهو كام علمود مرته وجهاله ومن باوع عليج شافج وحدج عباله انتي جايه وحدج واجتي عينه ألج بالغلط
ليان/ياا خطيه واني عبالي يباوع عليه يقصد شي
موسى/لالا
شمس/ماما تبعت (تعبت)
ليان/يله امي يله نروح للبيت
موسى/يله شمس راح نعبر الطريق مو تعوفينا راحت يم ليان نومتهة وسوتلهة ممه شنو بعدهة ترضع
ليان/اي بعدهة تره عمره 3اسنين بعده صغيره نومتهة بحضني
موسى/جلبه لعد اني منو ينام يمي لعد
ليان/تكعد منا لليل نزل جاب اكل من بره وصعد السياره وصلنه للبيت ولكيت عمه نايمه كعدته عمه عمه
حبيبه:ها عمه يروحي شوكت اجيتو
ليان/عمه هسه اجينه بس كعدتج علمود علاجج كومي اشربي شربت العلاج
حبيبه/لعد العصافير وين
ليان/موسى راح نام بغرفته وشمس نامت بالطريق ونومته بالصاله
حبيبه/عمه بارده عليهة وعليج ليان/لا عمه يمنه بطانيات
حبيبه/عمه لا تعاندين هو صح صيف بس هاي الصاله كلش بارده ومابيه فراش بس كرويتات
ليان/عمه بس ردت احجي ودخلت اجتي شمس عليه
شمس/ماما بلدانه (بردانه)لاح اسعد يم بابا انام يمه (رااح اصعد يم بابا انام يمه)
حبيبه/اي روحي بيبي
موسى/نزعت ملابسي ولبست تراكسود وندك الباب منوو تفضل دخلت شمس
شمس/تييي تيي
موسى/هلا بالنام وكعد هلا والنومه بعيونه بعد تعالي بحضني لج حرت كلت منو ينام يمي
شمس/بالده بابا
موسى/بردانه يروحي نامي اغطيج نامت وغطيتهة وحضنتهة من كل كلبي ليش بارده تره الجو زين بس لانايمين بالصاله الصاله ثلج
شمس/بابا ماما ماتقبل
موسى/ليان بالصاله نايمه
شمس/اييي
موسى/نامي يروحي هسه ارجعلج احجي ويه ماما واجيج اخذت المفتاح ونزلت فتحت باب الاستقبال دافيه والسبلت معلوك
ليان/ماكو غطه واحس رجلي جمدن وكمت اطك سن بسن طلع من الاستقبال موسى يمه شوكت نزل وتقدم عليه
موسى/ليان ليش نايمه هنا بالبرد
ليان/ضليت اتصنع القوه عليه لا اصلاً حاره وين لكاك لبرد
موسى/اي صحيح من هاي شفتج لترجف امشي اصعد نامي بغرفتي واني راح انام بالاستقبال
ليان/لا والله مرتاحه
موسى/ولج يامرتاحه امشي نامي واني راح اروح للاستقبال
ليان/لا اني راح انام بالاستقبال همه بيتهم جبير بس اكو غرفه يم غرفه موسى بس مامبنيه وجوه غرفه عمه حبيبه وصاله وستقبال الصاله مابيهة فراش وبارده والجوو مركلش حار
موسى/تمام اهم شي تدفين راح انزلج بطانيه
ليان/رحت للاستقبال كلش حلوه صارلي كومه مشايفه البيت تخيلو من عمر 8سنين اجيت وبعد مارحت هسه صار عمري عشرين يله اجيتهم لمهم جابلي بطانيه مسويهة ديوان
موسى/يله نامي
ليان/كلش عجبني الاستقبال مسوي ديوان شيوخ
موسى/ايي يله نامي شيخه
ليان/شمس نامت
موسى/نامت على كلبي فديتهة
ليان/هوواي متعلقه بيك شسالفه
موسى/اي غير ابوهة
ليان/هاي شبيك انته صح ربيتهة بس موابوها الحقيقي
موسى/لا ابوها السكير الشرااب العرك هيج من تكبر تكوليلهة
ليان/شفته انقهر مني صح جرحته بالكلام موسى رحت لزمته من ايدي والله ماقصدي اسفه موهيج والله
موسى/اي هاهيه وخري
ليان/شنو هاهيه والله ماقصدي شي اسفه انته ابوها الحقيقي بس لاتزعل
موسى/وخري ليان
ليان/لاتزعل فديت هل وجه اني
موسى/لا هذا غزل وره زعل ماصاير
ليان/سامحني مادري والله انعل ابو نوح عمي انته ابوها درتلهة نص دمك حتى طالعه على اطباعك شفته ضحك
موسى/ازعل من الدنيا كلهة وماازعل منج يله نامي ام شموسه
ليان/راح صعد واني جريت البطانيه عليه ونمت

الله واكبر الله واكبر
الحمدلله الحمدلله
سبحان الله سبحان الله
عما يتساءلون عن النبا العظيم