لعبة القدر

『 𝐏𝐀𝐑𝐓 11

الفصل الأول | ظل من الأمس 🍁

🎭 الجزء الحادي عشر| لعبة القدر ⚖️

✍️ بقلمي : ليلى روز 🌸

❤️‍🩹 "الحب الأول لا يموت... بل يأتي الحب الحقيقي ليدفنه حيًا." ⚰️🕯️

⭐️ ما تنسايش معاك واحد النجيمة⭐️

         ضروري ما تخليو ليا رأيكم فالتعاليق💬

قدام غرفة العمليات كانت شاعلة البولة الحمرة فوق الباب لي كانت مكتوبة علية غرفة العمليات  بخط واضح بالأحمر و فوق منها يمنع الدخول لغير المصرح لهم في الكولوار لي قدام الغرفة بضبط في كراسي لي مخصين لانتضار هي لي كانت ناعسة فوق منهم و صدرها كيطع و ينزل بسرعة كتحاول تدخل الهوا ولكن والو نفس عنداها مقطوعة عينيها موسعهم فمها اللي ولا زرق و وجهها لي ستقطر من الدم ولات صفرة شعرها لصق عليها بالعرق باباها كان كيجبد ليها الرابوز أو البخاخ الربو ( الربو هو جهاز طبي صغير كيخدم في توصيل دوا ديريكت لريئتين 🫁 غير بالاستنشاق و كيخدم  على فتح المجاري التنفسية يعني بسرعة) من الساك ديالها لي كان مرمي في الأرض و كولشي مشتت في الأرض ماكياجها و المذكرة اللي كانت صغير و ستيلو مهم كولشي بعد عناء قدر يجبدوا من بينات كاع داك شي لي عندها شكل ديالو بحال 7 غير هو بالعكس مقلوب فتح ليها فمها بخ ليها جو ديال المرات هي مع كل بخة صدرها كيطلع و ينزل بدا لون كيرجع فيها  و صدرها بدا كيتباطئ في طلوع و نزول هو لي كان باقي كيشوف فيها و في لملامحو الرهبة  هي اللي من بعد ما فتحت عينيها خدات من عندو الربوز عونها جلست بي مشقة الأنفس و عد بخت مرة خرى باش تزيد تنفس كثر هد المدة كاملة ما فيتاش 2 دقايق قل منها كان جاي كيجيري هاز في يديه قرعة ديال الما
كنان ( اللي العرق هابط ليه مع الجبهة ديالو من الجري ) : نورهان ختي هكي الما
كلس قفازي عند رجليها كلسة ديال القرفساء حل ليها القرعة ديال الما و عطها ليها شربت جوج ديال الجغمات لي متقطعين وعطيتها ليه هو لي كب شويا ديال الما في يديه و مسح ليها بيه وجهها
كنان ( كيتكلم وعينيه كتبحث في وجهها ) : نورهان وليتي بخير  نعيط على الممرضات
نورهان ( دارت ليه حركة بي صبعها على شكل لا و هي حاطة راسها علي الحيط خرجت صوت لي خفيف بزز كيتسمع ) : لا... صـ ـافــي... ولـ ـيــت بــيـ ـخـيـ ـر... هـ ـادي هــي حــالـ ـتـ ـي
عادل ( حط يديه على قلبو طلع نفس و هبطها بتنهيدة ) : حمدلله كل مرة كتجيها كنحس براسي أول مرة شفتها جاتها
كنان ( وقف و هو كيشوف فيه ) : خالي عفاك كلس رتاح حدها ماشي كولشي غادي يطيح ليا هنا
من بعد ما شافو كلس حدها حط يديه بجوج على راسو و تمشى قدامهم مشا و جا وقف و رجع شاف فيه
كنان : فين قلتي ليا ا خالي نجلاء مشات
عادل : دخلت عند خالتك نرجس اولدي مع ماماها
قطع حوراهم طبيب لي وقف عليهم كان راجل يكون في الخمسينات من عمرو كيبان شخص لي رياضي  يعني جسم ديالو باقي كيف كيقولو شاد في راسو شعرو لي فيه بعض خصلات ديال الشيب
الطبيب : نتوما هوما العائلة ديال المريض
عادل اللي وقف بزربة و كذلك نورهان جوبو هو
كنان : اه هوما حنا ياك ما كين باس ياك كولشي مزيان
الطبيب : حالة ديالو دابا مزيانة غادي نطلعوه للغرفة عادية الإصابة ديالو كانت متوسطة رصاصة دخلت للعضلة ديال الكتف الحمد لله ما تقاسش ليه الشريان وقفنا النزيف ودرنا بعد الفحوصات حيدنا الرصاصة وكان ضروري من اننا نخيطو ليه الأوعية المريض فايق حيت درنا ليه غير البنج الموضعي  ( الطبيب كيدير حقنة ديال التخدير غير في البلاصة اللي فيها الجرح )
نورهان( لي كانت علامات التعجب على ملامح  وجهها ) : ولكين كيفاش مفهمتش علاش